雲桂香米線專門店

營業中

休息中

今日灣仔會展行完婚展，女朋友突然想食米線，行去銅鑼灣搵到間叫雲桂香，換換口味，不吃譚記。兩人一人一碗再加個小食，已夠曬, 食完飽到唔想郁。一碗係麻酸辣小鍋紅薯粉配豬大腸和豬頸肉，中辣女朋友好辣，但越食越辣而且超級麻，食完嘴唇都紅腫，幸好她叫了杯咸檸七，舒緩她的麻秘感，小鍋當然好多配料芽菜、酸菜，瘦肉碎、芫茜蔥少不了，碎肉不會好多肥膏碎，另一碗係酸辣小鍋米線配豬軟骨和腩肉，米線似超市買的江西米線，較幼身，不似是新鮮製造，但硬度岩岩好不軟不硬，豬軟骨和腩肉係我食米線必叫之選，腩肉切得好薄，而豬軟骨又好厚身入味，飲了好幾啖湯底，非常濃郁，叫左千層豬耳，同其他米線店的豬耳做法不一樣，有點似上海菜中的肴肉，但薄切，每層豬耳都有層啫喱，配上黑醋蒜茸好開胃， 若想辣可以自加辣椒油。