臻味冰室豬扒酸辣米線

營業中

休息中

耐唔耐就會有好想食米線嘅心出現，最後說服同事一齊去食，之前lunch 都有嚟食過，所以知一到12點幾就會爆晒場，一放lunch 即刻衝嚟，果然轉個頭就爆晒要等位。呢度最出名就係豬扒米線，同事就叫咗酸辣豬扒米線，要戒口嘅我唯有叫清湯豬扒米線，每碗都係$40。我地有兩個人唔知點解姐姐淨係俾一杯水我地😂，所以拎嚟洗筷子算🤣 一開始嚟錯咗，兩碗都嚟咗酸辣，等姐姐幫我換返碗清湯。同事個酸辣真係好吸引，不過我個清湯都唔差，清湯仲有幾舊白蘿蔔。豬扒都大塊同埋幾淋幾香，同事就話個湯夠晒味又唔會話太辣。整體就係不過不失，今餐算係解一解個米線癮，希望下次嚟唔駛戒口可以食返酸辣。