影片
更多
2021-03-31
806 瀏覽
豬紅雞肉麻辣米線(2小辣）$45 + 豆漿一枝 $8 🐷🐔🍜米線最重要既靈魂絕對係個湯底😤，呢度既麻辣湯底色香味俱全，望落色澤金黃🥘，配料充足，湯底飲落味道濃郁而且「麻」「辣」俱備，仲會愈食愈辣咁過癮，可以話係一個好高分既湯底💯。而講到餸呢，雞肉🐥唔柴幾滑又唔會散收收，而豬紅就正常水準啦，如果可以再入味d就好。另外豆漿8蚊有一大枝，唔會好甜，用黎解辣一流!肥牛豬潤酸辣湯米線 $49 酸辣湯唔會太辣😋，夠酸得嚟唔會靜係得醋酸，而係有好多酸菜做配料而成既酸味，而家諗返起都流口水🤤🤤！肥牛、豬潤基本嘢👌🏻，但勝在份量唔少，整體食落非常滋味。👻紅油蒜泥白肉 $45 睇落賣相非常唔錯，有青瓜絲墊底，腩肉切得厚薄適中，雖然蒜泥夠多，但對我地嚟講，略嫌蒜味不足😙，唔夠重口味，有啲美中不足。串燒(司華力腸 $18、墨魚丸 $18）兩串串燒上枱既時候都夠熱辣辣，司華力腸夠大條，而且外皮香脆👍🏻，充滿燒烤香味👃🏻；墨魚丸味道正常，夠晒大粒🙆🏻♂️。伴碟會跟埋一個淡淡哋既沙嗲醬，整體唔錯。😌Overall兩碗米線都真係幾高水準，絕對會翻兜之選，不過米線當日煮得唔夠爽滑，可能煮耐左少少，但都已經好正! 推薦大
豬紅雞肉麻辣米線(2小辣）$45 + 豆漿一枝 $8 🐷🐔🍜
米線最重要既靈魂絕對係個湯底😤，呢度既麻辣湯底色香味俱全，望落色澤金黃🥘，配料充足，湯底飲落味道濃郁而且「麻」「辣」俱備，仲會愈食愈辣咁過癮，可以話係一個好高分既湯底💯。而講到餸呢，雞肉🐥唔柴幾滑又唔會散收收，而豬紅就正常水準啦，如果可以再入味d就好。另外豆漿8蚊有一大枝，唔會好甜，用黎解辣一流!
肥牛豬潤酸辣湯米線 $49
酸辣湯唔會太辣😋，夠酸得嚟唔會靜係得醋酸，而係有好多酸菜做配料而成既酸味，而家諗返起都流口水🤤🤤！肥牛、豬潤基本嘢👌🏻，但勝在份量唔少，整體食落非常滋味。👻
紅油蒜泥白肉 $45
睇落賣相非常唔錯，有青瓜絲墊底，腩肉切得厚薄適中，雖然蒜泥夠多，但對我地嚟講，略嫌蒜味不足😙，唔夠重口味，有啲美中不足。
串燒(司華力腸 $18、墨魚丸 $18）
兩串串燒上枱既時候都夠熱辣辣，司華力腸夠大條，而且外皮香脆👍🏻，充滿燒烤香味👃🏻；墨魚丸味道正常，夠晒大粒🙆🏻♂️。伴碟會跟埋一個淡淡哋既沙嗲醬，整體唔錯。😌
Overall
兩碗米線都真係幾高水準，絕對會翻兜之選，不過米線當日煮得唔夠爽滑，可能煮耐左少少，但都已經好正! 推薦大家一試！
題外話，整個用餐體驗唯一既扣分位，因為餐廳好旺場，樓面人手唔夠，落單過程較混亂。落單後等左半個鐘都未有食物嚟，到最後竟然發現根本無幫我哋落單都算。再落單都可以落錯/落漏兩次，確實大扣分阿！希望可以盡快改善啦！
張貼
