雲桂香米線專門店 (新都城中心一期)

營業中

休息中

昨天經過寶琳，有好多食肆，花多眼亂 ，食個lunch便飯，隨便搵入咗一間米線食店，食lunch。order咗湯底是小鍋米線唔加辣，湯底嘅配餸有多芽菜、韭菜、和酸菜。餸方面就order咗腩肉和豬皮各樣都有一條辣椒。腩肉肥瘦適中，薄片味道恰到好處唔太辣。豬皮好乾淨沒有豬毛，軟硬度有啲咬口和彈牙，唔太軟熟。米線一般軟硬適中都ok。食完個米線湯底唔口渴。另一款係小鍋米線小辣，湯底有肉碎，小芽菜，韭菜和酸菜。餸方面就係order咗豬軟骨。辣度適中，但係嚿豬軟骨只有豬肉排，沒有豬軟骨。舊肉好嚡。飲品方面order咗一杯凍菊花蜜，ok呀唔係太甜。整體嚟講都食物都ok嘅。環境都乾淨，不過坐位比較迫夾啲。