雲桂香米線專門店 (已結業)

喺公司OT之後，諗住加啲餸帶返屋企，之前喺呢度食過，記得佢哋都有好多唔同嘅小食配搭，所以嚟呢度買外賣返屋企加餸。超大隻嘅雲吞，尺寸係平時嘅1.5倍，個雲吞皮冇因為尺寸大左而加得厚咗好多，仍然算係簿，餡料好多，感覺新鮮，好似國內人咁樣雲吞變咗主食添，都幾飽肚。醬伴皮蛋，第一口食落覺得幾辣，但食落去之後感覺辣到慢慢減少，麻辣醬味道調得唔錯，後來我仲用麻辣醬伴雲吞食，有少少似紅油抄手嘅感覺。秘製豬頸肉，豬頸肉不嬲都係水準最穩定嘅肉之一，加上泰式雞醬，好似變咗泰式豬頸肉的味道，不過都唔錯。