雲桂香米線專門店 (已結業)

雲桂香米線專門店- 尖沙咀經過見到尖沙咀見到雲桂香米線，於是入去食碗米線。原來呢間雲桂香米線專門店係一間地庫舖，要行落一條樓梯先到餐廳。雖然係地庫舖但店內好特別地在牆邊裝了一幅玻璃窗，幾搞笑，同埋裝修睇得出呢間店舖有返咁上下歷史。雲桂米線 60$講講食物，叫左一碗招牌既雲桂米線，因為咩野餸都想食下，等左一陣有得食，味道黎講湯底都很濃郁，米線大大碗，入面有腩肉雞絲魚肉春卷腐竹冬菇等等，腩肉個人覺得比較出色，另外腐竹掛湯都很好食。但係缺點係食完比較口渴，好彩叫左杯餐飲凍菜蜜叫左甜甜地解下渴

經過尖沙咀想食米線但又無乜選擇所以揀左雲桂香。首先環境已經差左好多，啲沙發嘅皮爛晒又唔換 就咁加條毛巾係面就算，地板就算係幾乾淨既講返食物先，分別叫左2碗粉同1款小食，首先講左小食先，普通街市買到既雪藏蝦卷，唔會難食得去邊 講返碗粉，碗撈紅薯粉勁咸完全係死咸既味道，雞絲乾憎憎，腩肉就鞋颯颯，個撈汁變到超奇怪，咸到有少少「那喉」唉，真係超失望！另一碗係小窩米線，個湯勁希，同其他米線鋪完全無得比，唔講以為個湯底係清水！

因為係下午茶時間，我打電話去嗌外賣嘅時候我問個電話嘅職員係咪自取有豆漿送，職員係帶有鄉音的佢話係，但係當我去到嘅時候佢冇俾豆漿我，然後我就問佢係咪有豆漿送㗎，佢話冇㗎因為我冇話過要，然後我問佢下午茶唔係有豆漿送嘅咩，佢話我冇同佢講過我要豆漿，所以係唔會比我，如果可以選擇性比或者唔俾個客人嘅話，其實可以喺外賣紙上邊唔好有下午茶呢個優惠，唔好喺度呃客人，雖然最後佢哋都有俾返我，但係已經令我已經覺得好唔開心,其實下午茶都係收返正價，只係送一杯豆漿，但係都要呃客人真係好唔老實

我自己個人比較鍾意食麻辣，有陣時食得厭，都會想轉下口味🥳於是我走咗嚟雲貴香試涼拌米線🍜咁我叫咗一碗涼拌米線中辣走花生$31+墨魚頭$15+豬頸肉$15 同一杯凍奶茶走甜。咁凍奶茶嚟咗，見佢都幾深色下，飲落有小小苦澀味😂唔係太啱我口味。涼拌米線終於上台啦👍🏻如果米線舖頭有墨魚頭我係必點的，因為唔會好伏同埋勁好食😋亦都係我預期之內，不過豬頸肉就鞋口小小🙏🏻下次會改其他餸🤝米線拌勻之後都好好味，又甜甜地辣辣地，好正👍🏻

今日lunch time好掛住雲桂香，嚟咗厚福街呢間分店～餐廳啲裝修同米線完全格格不入😂係一個西式嘅裝修😂我叫咗個重慶酸辣粉配雞絲同海帶 ($45) 🌶我叫中小辣，覺得係啱啱好嘅辣度😆最鍾意佢個湯底酸辣好平衡，啲配料例如花生同榨菜都好香，而且唔會太油～雞絲都搣得好細，海帶係有一堆，好多😂仲有啲紅薯粉好煙韌，最鍾意呢個口感🤤食完都唔會口渴，證明味精唔重手🤣另外我加咗$7凍飲～市面太多米線店，不過唔係間間都可以轉呢一隻紅薯粉，所以雲桂香喺我心目中都係有一個地位🤣

一去到可能因為星期五晏就12點，所以成間鋪都冇乜客。坐低揀咗陣食乜，到嗌嘢食揮咗陣手侍應都未嚟。(╯3╰)咁我就揀咗小鍋米線，豬軟骨同腩肉，微辣，加多個凍檸茶。基本上次次去食都嗌豬軟骨，今次就試埋腩肉啦。嗌完等咗一陣就嚟到了。就咁睇落已經好香，豬軟骨都係嫩，軟骨都好有咬口，米線呢比其他米線鋪煙靭但一食見到個腩肉就覺得嗌錯餸，一嚟腩肉得好少，二嚟個腩肉嘅比例應該係9成脂肪1成肉，根本食唔落去。大家食嘅時候唔好嗌腩肉啦

雲貴香其實係我最鍾意食嘅米線舖🥲今日嚟到尖沙咀呢間分店，真係好失望呀🤢同平時一樣我都係嗌小鍋米線，酸辣小辣，配料就叫腩肉、豬軟骨同埋炸醬🌚--點知啲炸醬嚟到竟然有一舊係燶左🤢成舊黑色嘅餅都可以上菜😿-跟住係我最期待嘅腩肉，其他分店嘅腩肉都係偏少肥，仲要整得好入味🤦🏻‍♀️但係呢間分店嘅腩肉全部都食唔到落口咁濟😿因為成舊肉都差唔多係肥🤢🤢好失望呀🤦🏻‍♀️希望佢地可以改良一下，追翻其他店嘅水準啦🥺

🇭🇰雲桂香米線專門店·豬頸肉小鍋米線$44呢間我比左兩次機會佢架啦 我覺得佢個湯底唔夠惹味 而且佢個米線偏淋 我自己覺得一般般🤭🤭佢個豬頸肉唔錯既 肥瘦適中 而且仲有D口感 竹笙索曬湯都唔錯 不過個海帶就D太淋🤭下次可能要試下叫少辣睇下會唔會惹味D😂😂·#rbyeat#rby港式#rby尖沙咀·📍尖沙咀厚福街9號豪華閣地下1層📍旺角西洋菜街2W號1樓📍觀塘牛頭角道343號地舖📍太子西洋菜南街101號金德行地下AB舖📍荃灣路德圍22號地舖📍長沙灣元州街393號地舖📍將軍澳貿業路8號新都城中心1期地下G105-G106號舖📍大角咀埃華街56-58號地下📍葵芳信芳街10號月波樓地下E號舖📍銅鑼灣駱克道450號地舖📍屯門仁政街26-40號富恆樓地下📍屯門良德街12號海麗花園08B-09號地鋪📍沙田正街偉華中心地下4號📍大埔安泰路大埔廣場地下59號舖

今日經過，就試咗雲貴香。見到要落樓下，就跟住樓梯。一齊落落到去可能係地庫嘅關係，店內有一陣奇怪的氣味，唔係臭，不過係食物困住的氣味，有啲怪。由於地牢問題，冇乜陽光陰陰森森店內環境不是太好咁……點左一個小窩米線，一個重慶酸辣米線。同普通米線唔同，你有123揀：1） 揀湯底2）揀辣度3）揀配菜 由 $9-$15 不等結果，一個普通米線都要50幾蚊落樓…薯粉- 幾好，唔會太冧重慶麻辣- 夠辣，要小辣都好野味。等同於三哥一小辣到…豬頸肉小吃- 豬頸肉即刻用氣炸鍋整，外皮有啲脆，還算可以，不是微波爐叮。總結：環境麻麻，食物普通，性價比低，冇下次。

之前已經見過好多推薦，今次行過見到，又冇人排到就試吓～落到去成間西餐廳咁，一時間以為去錯地方😂重慶酸辣紅薯粉 $29 （雲吞+$7）佢應該係將啲辣醬放上面跟住先至自己撈，於是我試咗個湯底先，好夠酸，好正，第一下已經想吞晒成碗🤪再撈埋啲辣醬，嗌微辣食到我耳鳴😂（懷疑佢唔小心落多咗）紅薯粉煙煙韌韌，吸晒啲湯汁食一流🤤雲吞好大隻，但個皮太厚，肉朔晒啲湯汁都好食，下次可能試吓其他配料～黃花魚米線 轉水晶粉 $66個湯底好鮮好甜，就咁飲好正🤤但如果配粉麵食，就略嫌唔夠鹹。不過值得一讚係條黃花魚新鮮炸起，仲同圖片唔同，係分碟上的✨條魚炸得靚，水晶粉彈牙，成條魚再加埋樣大大碗米線，$66真係好抵！佢啲米線都偏大碗，如果唔係太肚餓可以兩個人分，但留意番佢人均最低消費係$30，可能要嗌番杯嘢飲或者小食～嗰日帶唔夠現金就冇嗌到小食，可能下次會試吓個皮蛋～環境都算乾淨，出面有水同醬料任拎，雖然中式米線配西式裝修有啲奇怪，但姐姐態度都好好，見我食辣仲提我😂（最尾太辣加咗杯好立克😂

This is the first time visiting this chain, popular for their noodle soups. They have a variety of choices and combinations, so you can create the dish to your own taste. The table where I was seated, was cleared but not wiped, so there were food bits and oil left over from the previous diner. I tried the Cross~Bridge Mixian ($29) with wonton (+$9), medium numbing spicy. It came out very quickly. The soup base is thick and intense with flavour. There is minced meat, preserved vegetable, chives a

#cassiegotst-源自雲南嘅米線係香港落地生根，之前外國朋友黎到香港，我都會帶佢哋去食米線連鎖店，雲桂香都係一個唔錯嘅選擇。-平時係尖沙咀搵食都會去厚福街，都係係眾多嘅地鋪度揀，最近先發現原來有雲桂香喺地庫，即刻去試吓先。平時我都係食開小鍋米線，湯底酸酸地好開胃。今次我就試吓雲桂米線，有齊哂最好食嘅料，包括腩肉、雞絲、魚肉春卷、雲耳、腐竹、冬菇、芽菜、酸菜、韭菜、蔥、芫荽等等。米線好大碗，有齊咁多料，口感好豐富！另外我仲叫咗個醬拌皮蛋，醬汁酸辣，惹味開胃。-味道評分▶️🌕🌕🌕🌕🌗 (4.5)抵食評分▶️🌕🌕🌕🌕🌑 (4)回購評分▶️🌕🌕🌕🌕🌗 (4.5)-➡️ 雲桂香米線專門店 (尖沙咀)📍 尖沙咀厚福街9號豪華閣地下1層-

以香港米缐來説，大部人食家也喜歡傳統勁旅，譚仔或三哥譚仔，因為坊間傳說，譚仔系的湯底特別令人回味，而雲貴系列就係人們其次的選擇，但以湯底來説，其實我又覺得雲貴系列也未必好差，其實該店是我最喜歡的，因為佢有我最喜歡的配菜，豬大腸同腸仔，我通常都係食呢兩樣，加上計小食當中，雲貴系更勝一籌，不過計味道來説，好評真的談不上，冇乜特別之處，再還顧價格方面，抵食度更加談不上，所以我都只能給一個一般的評價這樣一碗清湯豬大腸腩肉米線～$50值得一題店內有Wi-Fi🤣🤣🤣

細個至愛嘅雲貴香以前係走平民大眾化路線今日經過尖沙咀厚福街見到一個位置不算起眼嘅地牢鋪即刻去試吓見到呢度座位寬敞舒適裝修 同埋枱櫈傢俬都走高雅路線菜單亦都同以前唔同有更多選擇蟲草花雞湯米線🍜 $48可以飲晒碗湯底嘅米線🍜湯底太正好濃雞肉滑嫩，好唔錯加上養生嘅蟲草花，成件事好健康重慶酸辣紅薯粉 $28 酸酸辣辣麻麻 我揀咗小辣個辣俾我想像中咁辣小食點左秘製豬頸肉 $42豬頸肉彈牙爽口有三款粉類選擇分別係米線、紅薯粉、水晶粉水晶粉係透明好似公仔麵攣攣哋我欣賞佢呢度好細心因為係地牢嘅關係普通電訊商未必收到網絡呢度提供埋Wi-Fi貼住喺牆上唔使擔心網絡問題而且座位舒適唔錯會再黎

係尖沙咀做野做得夜左，食埋晚飯先走，簡簡單單食個米線就算，就黎呢間位於尖沙咀厚福街既雲桂香米線專門店分店。呢間雲桂香門口唔大，要行樓梯落地庫。雲桂香餐牌簡單但自由度高，你可以揀麵（米線，紅薯粉或者水晶粉），配料，辣度（由唔辣到勁辣），可以走酸菜，又可以要求湯底淡d或者鹹d，麵爽d或者軟d。當然亦有set好左既碗麵唔洗傷腦筋。餐牌都有小食同飲品order。今晚想食得健康d，就費事諗，叫左蟲草花雞湯紅薯粉同一款小食。蟲草花雞湯紅薯粉 $48 加雲吞 +$9蟲草花雞湯紅薯粉可揀米線，米粉，紅薯粉或水晶粉。酒味雞湯底少油味道唔濃，湯底都好清淡下。雞肉有十舊，大部分係雞胸，都有雞翼，正常切雞，好多肉食下。配有幾條生菜同蟲草花。愛清淡人仕可考慮。紅薯粉一貫煙韌滑溜，份量都正常。$9加左兩粒巨型雲吞，雲吞係菜肉餡，由於餡多所以皮極厚，唔係廣東人食開嘅雲吞。秘製豬頸肉 $42小食叫左秘製豬頸肉，份量唔少。豬頸肉皮脆，肉質彈牙，我諗脂肪唔少。味道少鹹，點隨碟嘅甜酸醬食都ok。