添記麵皇 (已搬遷) 新店位置

城門水塘之旅結束，剛好朋友車埋我地返落荃灣，講起肚餓，佢地就介紹左添記麵皇，咁就一於試下點樣稱皇稱霸。兩個都叫左香茅豬扒米線，無加錢轉高級湯底，但一試已經覺得不得了，可以講係清香濃郁，米線又唔會淋，炸豬扒另上是常識吧，雖然唔係咩靚扒，但炸得好好，調味都好，肉唔會韌。不過環境你就唔可以有任何要求，個廁所又污糟又濕，但咁嘅價錢，咁嘅份量，食得飽，又好味嘅街坊食肆，真係唔可以要求太多。另外果度仲有車仔麵形式，任君選擇，下次一於再食！！！