影片
更多
2023-01-30
7579 瀏覽
📌 大圍小館 - 大圍積福街92號地舖🗓(28/1) 星期六 ⏰ 早上10:30左右💈特式：呢間餐廳有大圍總店同元朗分店，見佢有米芝蓮推介所以一直都想去試，今次就諗住先試佢地嘅點心，因為網上評價呢間餐廳長期爆滿，所以佢未開門我就去排隊等位，店舖開10:30，我10點去到都排唔到第一輪入坐，只攞到第二輪入坐嘅飛，大約11:15先入到坐，如果想飲早茶嘅朋友可能要預早去攞飛了。不過而家有屯馬線，九龍人要入大圍都相對方便左。🥩🍔🌭🌮🥗🥯🥘🍲🍝🍣🥟🍤🍱食物：見佢好多點心都好有特式，甚至乎有部分出面酒樓已經絕跡，例如真正嘅灌湯餃(唔係出面個d湯浸餃)，仲有雞窩/宮廷荷花酥/牛骨髓/沙翁等等。今次都係見到人介紹，慕名而來試佢地呢d招牌點心，等我同大家講下🫖味道先。同行4人，總共叫左10個點心加每人一隻灌湯餃，呢個份量都食唔晒要打包，但因為好多樣野都想試，所以唯有叫多少少，以下我就抽幾款同大家介紹下，其他就有待各位朋友仔自己去試啦。灌湯餃🥟 - 呢個係餐廳招牌點心，眼見枱枱都差唔多會叫，上枱時職員會比多一隻碗你用嚟食呢個灌湯餃，隻餃賣相好靚，夠大隻又飽滿，顏色亦好吸引。影完相就將佢輕輕放入碗，但因為皮
🗓(28/1) 星期六 ⏰ 早上10:30左右
💈特式：呢間餐廳有大圍總店同元朗分店，見佢有米芝蓮推介所以一直都想去試，今次就諗住先試佢地嘅點心，因為網上評價呢間餐廳長期爆滿，所以佢未開門我就去排隊等位，店舖開10:30，我10點去到都排唔到第一輪入坐，只攞到第二輪入坐嘅飛，大約11:15先入到坐，如果想飲早茶嘅朋友可能要預早去攞飛了。不過而家有屯馬線，九龍人要入大圍都相對方便左。
🥩🍔🌭🌮🥗🥯🥘🍲🍝🍣🥟🍤🍱
食物：見佢好多點心都好有特式，甚至乎有部分出面酒樓已經絕跡，例如真正嘅灌湯餃(唔係出面個d湯浸餃)，仲有雞窩/宮廷荷花酥/牛骨髓/沙翁等等。今次都係見到人介紹，慕名而來試佢地呢d招牌點心，等我同大家講下🫖味道先。
同行4人，總共叫左10個點心加每人一隻灌湯餃，呢個份量都食唔晒要打包，但因為好多樣野都想試，所以唯有叫多少少，以下我就抽幾款同大家介紹下，其他就有待各位朋友仔自己去試啦。
灌湯餃🥟 - 呢個係餐廳招牌點心，眼見枱枱都差唔多會叫，上枱時職員會比多一隻碗你用嚟食呢個灌湯餃，隻餃賣相好靚，夠大隻又飽滿，顏色亦好吸引。影完相就將佢輕輕放入碗，但因為皮薄，所以好容易會穿，味道都相當有質素，餡料多且豐富，我個人就覺得如果再熱d就會更好。
花菇金腿鮮肉燒賣 - 呢個上枱熱辣辣，粒粒都好大粒，餡料多，不過有少少實，但整體表現都不俗。
流心煎糯米雞 - 呢個煎糯米雞我之前係鳳城酒樓都有試過，相比下呢度唔係用蛋漿煎，係煎完之後放左個蛋黃係面，我就覺得特別d，糯米雞表面煎得好香脆，但食落又唔會痴牙，入面仲有大大隻花菇，不過除左隻大花菇外就好似比較少餡料。
沙翁 - 沙翁都係呢度最出名嘅招牌點心之一，雖然出面仲有其他酒樓有沙翁，不過呢間店好明顯有自行改良，個沙翁變得西式化，有少少酥皮嘅效果，入口酥香又唔太甜，而且size好大，有成隻飲茶骨碟咁大個。同埋好彩我一入坐就即叫，因為我落完單之後無耐已經聽日有人落單時，職員已經話沙翁已經售罄，我當時餐廳只係開左門一個鐘頭內。
☕️🍵🥤🧋🍺🍷🥃🍹🧉🍾🍶🥛
飲品 : 有普通香片/鐵觀音/普洱，另外仲有一款叫白牡丹揀，咁白牡丹未飲過就梗係試下啦，飲落有陣好香嘅味道，但就係香片隻香味咁清香，但就多左陣唔知係咪牡丹味，因為我都唔知牡丹本身係咩味道，但都試過嘅朋友仔都可以試下。
🍽環境：餐廳環境唔算大，枱亦唔多，得大約16~18張。但門面都幾古色古香，入面裝修比起正常酒樓高級，光猛乾淨，坐位都坐得舒服，但始終店舖空間有限，枱與枱之間唔算太鬆動。
🤵🏻🤵🏻♀️🤵🏻♂️服務：餐廳服務都唔錯，可能因為新年，每個樓面職員都好有禮貌，同埋我食碟麵醬蒸排骨食到尾先見到有一粒排骨生生地，我同餐廳職員反映，店員都即時處理，將碟排骨cancel，其實我都明白蒸點心，尤其是排骨呢d，廚房出菜時好難見到係咪真係全熟，但職員都無推卸責任，迅速處理，值得一讚。
💰💸價錢：今餐茶共叫左10個點心加4隻灌湯餃，連埋茶錢埋單$800，其實就真係有點貴，但佢勝在有好多特式/懷舊點心，值唔值呢個價就見仁見智了。
🐲💬總結：以我所見，除左價錢偏貴之外，等候時間就係另一個問題，如果想早入坐同食到佢地嘅限定點心，起碼都要預早45分鐘至1個鐘係門口排隊等開門，如果住得近同天氣許可都可以考慮下。
推薦指數：❤️❤️❤️❤️🤍
灌湯餃
$65
134 瀏覽
0 讚好
0 留言
沙翁
$36
147 瀏覽
0 讚好
0 留言
流心煎糯米雞
$44
161 瀏覽
1 讚好
0 留言
宮廷荷花酥
$44
150 瀏覽
0 讚好
0 留言
張貼
