旺泰特食 (已結業)

一年之前同朋友食過一次, 都唔錯, 今日撞啱入西貢, 諗住同老婆去撐枱腳~去到唔駛等位, 可能平日冇咩人。坐低叫咗個芒果沙冰, 辣椒膏炒蜆, 原隻南瓜炒飯, "廚師推介"嘅青咖哩羊腩...首先上咗個芒果沙冰, $38, 好味~ 有新鮮芒果味~ 再嚟個炒蜆, 賣相味道都唔錯~ 蜆肉鮮甜~跟住個原隻南瓜炒飯同青咖哩羊腩~ 個原隻南瓜炒飯其實只係個普通炒飯加咗"幾粒"南瓜一齊炒再用個生嘅南瓜盛載(睇佢英文係有寫"baked plumkin ....可能係指啲南瓜粒, 唔係成個製成品攞去焗", 真係極度失望...除非你啖飯食中南瓜,如果唔係,根本同普通炒飯一樣,咁都賣成$82,勁呃錢... 最大問題係個咖哩羊腩, 啲羊腩唔掂, 好鞋~ 鞋都不特止, 仲要好咸... 唔知係羊腩定係個青咖哩出事... 同佢講好咸, 跟住佢就攞咗入去搞搞佢, 出返嚟之後, 真係冇咁咸, 不過就啖到冇晒青咖哩味 ... 咁就$85, 呢啲錢真係易賺! 仲夠胆話"廚師推介"...真係唔會再去第二次...