旺泰特食 (已結業)

🎈旺泰特食🎈西貢除咗食海鮮外，其實都有啲好好食嘅地道泰國菜！呢間泰國菜係米芝蓮推介，食過幾次的確唔錯！——————————————————————🦐泰式生蝦（$98）新鮮肥美亦都好爽口，配埋自家製嘅醬汁加埋蒜片一啖擺落口正呀😜好味指數：7.8/10-🐓正宗馳名海南雞（$118/半隻 $188/全隻）海南雞係小編呢間鋪最鍾意食嘅菜式之一，因為佢熱辣辣亦都幾乎每舊雞都係冇骨，另外肥瘦均勻亦都好嫩滑，半隻份旺已經好多，非常推介🤩好味指數：9/10-🌶泰式酸辣鳳爪$66鳳爪嘅份量啱啱好，比一般嘅辣，汁好好味，停唔到口！好味指數：7.8/10-🥬泰式炒椰菜苗$63椰菜苗亦都比一般嘅辣，落咗唔同嘅配料去炒令到成個菜好惹味！好味指數：7.1/10-🥂椰汁冰$26椰汁味道濃但偏甜，覺得越飲越口渴😕好味指數：5/10-整體味道：8.5/10抵食程度：7/10回頭度：8.2/10——————————————————————📍地點：西貢萬年街24號地舖📞電話：27910522⏰營業時間：（星期一至星期五 12:00-15:00 18:00-22:00） （星期六至星期日 12:00-22:00）#美食 #

話說今日係清明節，我同屋企人一齊去咗西貢玩。今次係我第一次食，但係係我阿媽阿爸第 N 次食。我哋叫咗豬頸肉飯，麵包咖哩雞同埋小食拼盤。首先講吓以上嘅豬頸肉飯。豬頸肉好香，脆脆哋，但肉質好腍，應該係炭燒嘅。白飯無乜特別啦，但略嫌有 D dry，食嘅時候建議淋上酸辣汁。嚟到今餐我最滿意嘅麵包咖哩雞！因為份量偏大，建議各位唔好自己一個食。好彩，呢個咖哩雞係唔辣嘅，有好香濃嘅椰汁味，唔係好食得辣嘅朋友都可以試吓。可惜，因為包嘅「容量」有限，所以材料好少；同埋包都被咖哩浸腍哂。因此，我建議各位咖哩控可以叫一個咖哩雞配蒜蓉包，包有埋 D 蒜香會再好食 D。最後係小食拼盤。小食拼盤有沙嗲串燒雞，炸春卷，炸蝦餅同魚餅。身為一個炸物控，我對呢個拼盤覺得好滿意。串燒雞已經有沙嗲味，可以唔點沙嗲汁。炸蝦餅熱辣辣，又好脆，好似係酒樓食嗰 D 炸蟹鉗。春卷嘅材料好足，係好典型嘅泰式素菜春卷。魚餅冇蝦餅咁脆，但味道好濃。食完之後，就明白點解佢會係 2014 年米芝蓮推介。尤其是咖哩，果然名不虛傳。大家去西貢，不仿試吓！

入西貢無食海鮮，反而去左間晚市都幾旺場既泰國食店覓食😬由七點食到九點幾都一直好旺場💪⭕️環境同服務都唔錯⭕️雖然人多，但坐得舒服唔迫⭕️菜式份量幾好，推介冬蔭公湯（兩個人可揀一碗share都好夠飲，最緊要襯熱飲）⭕️仲有個海鮮濕炒無影相，味道唔錯

I've been coming to this restaurant for ~ 5 years for lunch (I worked nearby). The service is average - it is usually the same ladies serving me. The quality of the food for lunch is very good. My recommendation is alway the pork neck meat with rice. Very tasty and tender. Also for lunch time, the value is good too. 

Dish #1 Pad ThaiNot an original Thai dish, like wet fried noodles, tastless! Dish #2 Spring rollDull fillings, no minced meatDish #3 Satay barbecued chicken/pork/beefThey gave you CURRY to dip in, not Satay sauce. And they don't have peanut butter even if you asked for.*Poor service, never come back again *Disappointed, they put up a door sign saying they served original southern Thai food, but not the case!

西貢唔係只係得海鮮嫁，都有好好食同地道的泰國菜旺泰係米芝蓮餐廳來的，真係無fake 人的。黃咖喱炒蟹配法包好好食的！一定要食！其他出名的有脆瓜沙律 ，爆炸蝦。爆炸蝦都好食，但有點貴我覺得。沙嗲串燒 同出面的好似無咩分別，我麻麻地。但有樣真係唔得，星期六，日等位等好耐好耐！！！！！！！

終於都忙完功課考埋試，早排真係忙到飯都唔想食。呢日同舊同事一齊約咗坐船出離島玩。去之前梗係要醫肚先啦！舊同事帶我去呢間食泰國菜。因為要就埋D返早既人，所以我地約三點，正值過咗繁忙午市時間，一黎到就有位坐，餐廳入面都冇咩人。叫一點小食拼盤，咁樣大家就可以食唔同既小食、串燒啦！生菜包係食泰國菜必點既，再叫一碟炒通菜、咖喱雞、冬蔭公！蒜蓉包拎黎點下咖喱就啱啱好。冬蔭公有D辣。整體黎講，食物真係唔錯！所以大家都可以食飽飽出發去玩！

旺泰特食 (西貢)🍴去西貢搵食又搵到間米之連推介😂叫左佢個紅咖哩炒飯～諗住些下啲咖哩😞點知中伏了...個飯係勁咸勁重口味🙄咖哩味出唔到...食完個口會好乾😐大家都係嗌番海南雞飯/其他會好啲～仲叫左個泰式拼盤 hkd158 💸呢個高質啦～啲蝦餅炸到金黃外，脆卜卜，真係啖啖蝦肉🔥佢啲串燒最中意食牛😍燒到岩岩好，唔會好難咬，加埋啲沙嗲汁好正✨春卷同魚餅就還好，可能唔係好岩我口味，不過味道正常既😀隔離台叫左個冬陰公勁香，大家多人去食可以叫埋應該都正🤤

係西貢同幾位朋友覓食🤤朋友話呢條巷仔有間食開嘅泰國菜好正即管試下💕💕.位於巷仔嘅隱世泰菜似乎好地道😳老闆娘同店員都真係泰國人舖仔細細 感覺會食到正宗泰國野.招牌海南雞飯 ($42)雖然話係泰國野但同場見到個個都嗌呢個海南雞飯睇黎好出名🤤 我地都唔輸蝕 嗌番個試下先🐔雞肉好嫩滑 唔會係擦字膠質地好多渣油飯香而不膩 個黑醬有d料到🙈🙈都幾辣但點埋一齊食太佐飯 好食😚.泰國金邊粉 ($60)我又唔鍾意太乾身嘅金邊粉 但呢度嘅略嫌太濕入口相對平時嘅會有d太甜 直情有d似茄汁咁😂但都炒得好香口！.泰式香濃黃咖哩配豬 ($86)本身好想嗌蒜蓉包/薄餅黎食但呢度menu無 最後嗌左白飯咖哩有d太重口味 一啖好多香料味😂但超多汁 超易你送哂成碗飯 豬亦好嫩.馬拉盞炒通菜 ($53)炒得好香 馬拉盞唔會落得太重手 有死鹹嘅感覺😎😎.以呢個價錢黎講真係算唔錯 同埋老闆娘真係超好人 黎漏左個椰青 話比個大d嘅我地😂😂不過有少少太重口味🙈

又係两個人撐台腳。我地今次去左西貢食泰國野，甘岩行完東霸就入去果頭食野。今次去左間地道泰菜，佢係條窄巷入面。去到已經好多人排隊。第一樣我地叫左雞斯蝦餅東蔭公湯河，蝦餅好味好實好有蝦味，可惜得一舊，雞斯係海南雞斯，但食唔出海南雞味，但都算好滑嘅雞肉，湯底無令人失望，足料。第二樣叫左酸辣鳯爪好夠辣，會令人食上引，雞腳好爽口，分量好夠。第三樣馬拉盞炒通菜好夠獲气，成碟菜食到尾好油，係好味，菜唔會炒到老，佢有虾咪仔撈埋菜食好滋味。第四樣叫左豬頸肉包生菜，但唔記影相。我覺得叫返普通果個生菜包好食啲，佢呢到豬頸肉醃得好足味，仲有好重莞莤味。我地叫左椰青同青檸梳打。買單320左右。呢到淨收現金唔收卡。

no taste and very expensive!!quality is way below average, especially given the price ! recommended not to go!!

西貢泰菜好多，食嚟食去都係呢間。柚子沙律，配泰式酸沙律汁好醒胃，仲有炸蒜，花生，蔥 好香口。泰式明爐魚，有兩款湯簡，冬蔭功湯或泰式酸湯，我選了泰式湯底，酸酸的，有西芹，蘑菇，大蔥，芫荽，肉碎同烏頭魚既湯底，少少酸味，好鮮甜。魚質比出面更嫩滑新鮮，無泥味，整體好好食，推介必食!泰式炒通菜，微辣。另一喜愛，芋頭焗飯，有腰果，芋頭，肉碎同蝦仁既焗飯，好野味，香口，味道好好，基乎次次嚟都食整體都keep 到水準，原本平時必食既芒果糯米飯，因太飽沒有叫，但而家仲念念不忘

除 o左九龍城多泰國 o野食, 西貢都有好多泰國餐廳 ga本來我 o地諗住去食街食, 但係旺泰有分店好似有保證 d 第一樣實係要叫拼盤 la有齊沙嗲串燒, 魚餅, 蝦餅 & 春卷, 好豐富呢每款都有三件味道唔錯 wor豬肉生菜包都有好多豬肉, 反而係覺得唔夠生菜包 d 豬肉呢～d 菜都好新鮮好甜海鮮冬陰公酸酸辣辣好好飲個鍋個樣都好得意 ar朋友好好 o甘幫我 o地分湯, 都「不」到好多碗 ga仲有食 o左 d 青咖喱牛 & pad thai食食下冇影到相, 味道都 ok ga

行完山差唔多一點，係西貢醫肚，經過呢間見到無乜人又唔係貴，諗住求其食飽算，點知有驚喜呀！我要咗個冬蔭功湯河+凍檸茶（仲送湯），埋單$47，西貢黎講算唔錯～個冬蔭功湯一飲真係唔得掂！酸味辣味適中又唔會太搶，落足香料，堅好味！河粉份量正常，仲有半隻蛋同2隻蝦～明明唔係咁肚餓都成碗食晒！我朋友叫咗個肉碎飯，同樣辣得惹味！

同朋友朝早去完萬宜水庫東壩行完，晏晝出嚟西貢食午餐，四周圍行見到有間泰國嘢就入去試吓，叫咗一碟黃咖哩牛飯、一碟紅咖哩雞飯、一碟香葉肉碎炒河同一碟菜芯炒豬頸肉飯，味道都唔錯。加上呢間嘢係米芝蓮車胎人美食推薦嘅餐廳，質素有保證。唯一問題係菜芯炒豬頸肉飯嘅意思係菜芯炒豬頸肉配白飯，而唔係豬頸肉炒飯，同預期有少少分別。