麵鮮醬油房周月 (景隆街) (已結業)

一講起拉麵，一路都有聽到唔少人講周月，麵鮮醬油房周月既沾麵已經食左幾年，佢既吸引力真係唔洗多講，米芝連日式拉麵，網絡上一直都人氣高企，每次係食飯時間過去既話都係要等一等位，而今次都唔例外。.🍚周月沾麵今次一如以往地揀左周月沾麵，涼麵300g，有角切鹿兒島燒黑豚肉、脆筍同香葱，但蛋係配味玉而唔係生蛋。首先個沾麵賣相幾好，沾麵汁夠濃，而麵既光澤亦唔錯，尤其佢既麵比較粗，掛湯力較強，同埋佢既麵係自家製，所以麵既質感係可以控制。食沾麵揀涼麵會比較好，因為免得熱麵的話會痴埋一舊，依然保持彈牙。湯汁味道咸中帶酸。醬汁面層看似多油，但食落並冇油膩感。食完記得要叫店員加湯落沾麵汁度，有另一番風味。.🍚周月餃子食拉麵唔叫餃子就好似差咁樣野咁，餃子內餡唔算多，但勝在皮薄並帶微微香脆。.總括然而，呢個沾麵絕對係香港高質既沾麵，最欣賞係呢度既麵夠粗身，質感爽口彈牙，細味下會有麥香。一定要試下。