莆田 (美麗華廣場2期) (已結業)

莆田係米芝蓮一星餐廳，本來已經略有所聞，不過一直都未有機會食，但今次知道佢做鰻魚祭，身為鰻魚控嘅我，見到menu已經流晒口水啦！今晚帶阿爸阿媽嚟食飯，兩老都非常滿意呢度嘅裝修光猛，坐得又唔會太逼，服務態度都非常好！前菜嗌咗一個好多人都會食嘅冰鎮苦瓜，本來都好奇怪點解呢一味菜咁受歡迎，但係一試就明白啦！冰鎮嘅苦瓜非常多汁，配埋佢嘅蜜糖，極滋味！甜而帶甘，完全無罪惡感，成碟俾我搶哂黎食煎鰻魚真係好好味呀！自己加鹽同埋檸檬汁，新鮮到真係加少少鹽已經好好味！好正呀！身為鰻魚控嘅我好滿意呢碟煎鰻魚！肉質夠爽，冇泥氣味，真材實料！呢碗枱枱都有點嘅莆田鹵麵材料非常豐富！好啱老豆嘅胃口，因為麵條好滑好易入口，我都食咗一大碗！扁肉湯對我黎講只係一碗水餃湯，但飲到一啲醋味，都有啲似台式嘅肉焿湯。燒排骨好正，入口即融！而且味道好到想食白飯老豆食到連骨頭都啜咗幾下！好啱老人家食荔枝肉係普通嘅咕嚕肉，但甜味較普通咕嚕肉有層次，而且莆田嘅材料的確係唔錯，食咗好多都唔覺有肥肉，無濫充數！炆豆腐係我非常鍾意食嘅一味菜，豆腐真係好嫩滑，而且作晒啲醬汁，我一個人都食晒成碟！好耐未食過咁好味嘅炆豆腐！