西關老祖 (文苑樓)

營業中

休息中

今朝帶我隻🐱權仔去佐敦嗰邊睇醫生，俾我同另一半發現咗一間隱藏於八文樓嘅西關老祖。我地就嗌咗佢嘅招牌菜外賣返屋企食：1） 炸糭x2件 ⭐️⭐️⭐️⭐️⭐️/⭐️⭐️⭐️⭐️⭐️2） 古法賴粉 ⭐️⭐️⭐️⭐️/⭐️⭐️⭐️⭐️⭐️3） XO醬爆炒腸粉 ⭐️⭐️⭐️⭐️/⭐️⭐️⭐️⭐️⭐️4） 紅豆沙及綠豆沙 ⭐️⭐️⭐️⭐️/⭐️⭐️⭐️⭐️⭐️炸糭確實係佢呢間小店嘅撚手小菜，食落似薯餅口感，但係有糭嘅味道，中間仲要有塊肥豬肉增加個油膩感，我同另一半一人一塊就岩岩好，唔係食唔到其他嘢😬之後就到佢哋另外一個招牌菜，古法賴粉，睇上去有啲似狗仔粉，加上我相信係自家製嘅辣菜脯，真係令到成個味道昇華。另外我地叫咗個XO醬爆炒腸粉，我另一半食到有陣豬嘅味道，我懷疑佢哋應該用咗豬油嚟炒，所以特別香，但係因為攞到返屋企食嘅時候已經涼咗一大半，所以感覺上係差緊少少，我都係覺得呢啲熱辣辣食係最好味😋最後我哋嗌咗每人一人一杯紅豆沙同綠豆沙，與其話佢係沙，倒不如話係湯，本身覺得用個杯好似台式飲料飲綠豆/紅豆沙會好奇怪，但佢哋係比較水狀，所以就令到成件事合理晒。我去買嘅時候係岩岩撞正佢地開門，而喺我前面，就已經有一group嘅日本遊客慕名而來，所以我相信小店只要用心去製作佢哋嘅食物，