影片
更多
2022-06-27
179 瀏覽
位於灣仔藍屋旁邊，被必比登推介為「具質素且經濟實惠的美食」。店內以復古風格裝飾，配以舊傢具、復刻小販檔陳設、泰式鐵標牌，相當有懷舊泰式風情。之前睇介紹話超過六成食材每天由當地直送到店，招牌船麵湯底於早上開始製作，經六小時熬製，滋味濃郁，非常之吸引。當日去到已經有幾批人排緊隊，要等半個鐘先有位，幸好附近為著名景點區，我地影下相、玩下笑下便輪到了。店舖空間不大，但坐滿人，真係多D肉都行唔過通道。有一少驚喜嘅係，廁所連外面洗手空間相當企理，小小店舖黎講值得一讚。食物方面，試左好多樣野，船麵不過不失、炸魷魚還可以、炸魚皮沈上蝦子，我地自行再配上泰式醬汁，味道有驚喜；個人覺得最好味嘅係蟹肉炸飯，蟹肉非常鮮味，配上鹹香嘅魚露，非常回味！飲品方面，原汁原味，無添加！
之前睇介紹話超過六成食材每天由當地直送到店，招牌船麵湯底於早上開始製作，經六小時熬製，滋味濃郁，非常之吸引。
當日去到已經有幾批人排緊隊，要等半個鐘先有位，幸好附近為著名景點區，我地影下相、玩下笑下便輪到了。
店舖空間不大，但坐滿人，真係多D肉都行唔過通道。有一少驚喜嘅係，廁所連外面洗手空間相當企理，小小店舖黎講值得一讚。
食物方面，試左好多樣野，船麵不過不失、炸魷魚還可以、炸魚皮沈上蝦子，我地自行再配上泰式醬汁，味道有驚喜；個人覺得最好味嘅係蟹肉炸飯，蟹肉非常鮮味，配上鹹香嘅魚露，非常回味！飲品方面，原汁原味，無添加！
張貼
