影片
更多
2021-03-04
1679 瀏覽
早排同朋友慶祝生日就去咗試廚魔7道菜午餐($680+10%/ pax)。當日菜單係以「婚姻婚嫁」做主題💍🧧，而主廚為咗突顯婚姻不同階段嘅感覺，菜式調味甜酸苦辣鹹都有，為客人帶嚟味蕾上嘅衝擊，非常特別。「甜」係用咗新抱茶嘅概念，有紅棗啫喱，鵝肝，食落有啲似食緊甜品，好重紅棗味。「酸」係海膽湯圓配上自家秘製陳醋。「苦」 苦瓜椰子雪芭，食落都幾清新。當中印象最深刻一定係「辣」，佢一用火機點我就開始流眼水同咳🙂個辣椒車厘茄食落又真係幾辣下。 𝐒𝐨𝐧 𝐨𝐟 𝐚 𝐒𝐜𝐚𝐥𝐥𝐨𝐩 帶來兒子 - 其實係帶子，蓮藕再加上女兒紅。帶子好鮮甜，不過我就覺得佢酒味有啲太濃，好似我唔飲酒嘅就未必會咁鍾意。𝐏𝐢𝐬𝐜𝐞𝐬 𝐏𝐚𝐫𝐚𝐝𝐢𝐬𝐞 雙魚得水 - 唔鍾意食魚嘅我表示個魚我鍾意，石斑魚嘅肉質好嫩滑，魷魚又鮮嫩，不錯🤤我地仲額外叫咗招牌一口爆汁小籠包(+$90)，一咬開啲汁真係喺你口腔水爆晒出嚟，都幾特別。主菜𝐒𝐮𝐜𝐤𝐥𝐢𝐧𝐠 𝐏𝐢𝐠係有5款(啖)用咗唔同烹調手法嘅豬。個乳豬肥瘦分明，個皮好脆。糖醋豬非常入味，好香香橙味。威靈頓豬，個皮好淋，不過成件事有少少怪😅都係嗰句俾我揀一定係揀食威靈頓牛🤣甜品都好得意，啲器
「甜」係用咗新抱茶嘅概念，有紅棗啫喱，鵝肝，食落有啲似食緊甜品，好重紅棗味。
「酸」係海膽湯圓配上自家秘製陳醋。
「苦」 苦瓜椰子雪芭，食落都幾清新。
當中印象最深刻一定係「辣」，佢一用火機點我就開始流眼水同咳🙂個辣椒車厘茄食落又真係幾辣下。
𝐒𝐨𝐧 𝐨𝐟 𝐚 𝐒𝐜𝐚𝐥𝐥𝐨𝐩 帶來兒子 - 其實係帶子，蓮藕再加上女兒紅。帶子好鮮甜，不過我就覺得佢酒味有啲太濃，好似我唔飲酒嘅就未必會咁鍾意。
𝐏𝐢𝐬𝐜𝐞𝐬 𝐏𝐚𝐫𝐚𝐝𝐢𝐬𝐞 雙魚得水 - 唔鍾意食魚嘅我表示個魚我鍾意，石斑魚嘅肉質好嫩滑，魷魚又鮮嫩，不錯🤤
我地仲額外叫咗招牌一口爆汁小籠包(+$90)，一咬開啲汁真係喺你口腔水爆晒出嚟，都幾特別。
主菜𝐒𝐮𝐜𝐤𝐥𝐢𝐧𝐠 𝐏𝐢𝐠係有5款(啖)用咗唔同烹調手法嘅豬。個乳豬肥瘦分明，個皮好脆。糖醋豬非常入味，好香香橙味。威靈頓豬，個皮好淋，不過成件事有少少怪😅都係嗰句俾我揀一定係揀食威靈頓牛🤣
甜品都好得意，啲器皿餐具好有心思。
𝐂𝐨𝐦𝐞𝐬 𝐀𝐟𝐭𝐞𝐫 𝐒𝐞𝐱百福添丁 - 我真係冇諗過梅菜會出現喺甜品度😧食落有淡淡梅菜嘅鹹香，整體嚟講就係一個好濃朱古力味嘅mousse😋 同埋好搞笑佢係俾個Hello Kitty匙羹你食㗎😂
𝐕 𝐆𝐞𝐧𝐞𝐫𝐚𝐭𝐢𝐨𝐧 五世其昌 - 睇名一定估唔到呢個係咩甜品😅原來係八珍甜醋再加燉蘋果，酸酸甜甜，連雪糕一齊食都幾好食🍎
𝐍𝐨 𝐒𝐡𝐚𝐫𝐤 𝐅𝐢𝐧𝐬不吃魚翅 - 啫喱條製成嘅「魚翅」，菠蘿味好重，略為甜咗少少。
喺食呢一餐之前我係非常期待，成個用餐過程係享受嘅，廚師同侍應每道菜講解好詳盡，亦好好服務，整體設計上係真係非常有心思。不過老實講，如果係以米芝蓮兩星嘅水準嚟講我都幾失望，加上佢好多道菜都用咗辣同酒嘅元素，可能唔係特別啱我口味啦，我係期待食物方面再高水準啲。如果有特別日子慶祝都可以考慮嚟試下嘅🥢
張貼
