No.5 Italian (已結業)

今年女朋友生日就揀咗米芝蓮推介的意大利餐廳作為晚餐。預先打去訂咗枱，訂枱嘅時候已經同職員講話要同女朋友慶祝生日，職員亦有細心寫低。兩人慶祝叫咗一個意大利飯，一份主菜同一個甜品。知道女朋友非常喜歡食意大利飯，所以就叫咗白松露野菌意大利飯 (約$158)。呢度個意大利飯嘅汁比出面食開嘅較為多，配有完粒野菌，亦有香草作配搭。意大利飯既味道不錯，但個人喜歡比較少汁嘅意大利飯。 另外，我哋點咗意式煎小牛肉 (約$268) 呢個意式煎小牛肉比較特別，與平時個主菜牛排不同，肉接近全熟，食落尚算腍身，用上香料烹調。另外加上野菜配搭清新，青豆薯蓉亦可中和肉的鹹味，推介一試！ 因為女朋友生日，食完主菜就叫甜品，檸檬牛油蛋糕配熱情果雪芭及開心果碎 (約 $58) 。由於事先同職員講咗係慶祝女朋友生日，職員係甜品碟上寫上happy birthday字及蠟燭送上。方塊蛋糕非常鬆軟，加上淡淡的檸檬香味，口感清新。熱情果雪芭亦不會太甜，非常清新嘅飯後甜品。 女朋友亦很滿意是次晚餐，唯獨是座位比較近門口，建議定位時同職員要求坐比較近窗口嘅位置。