倆口小吃 (已結業)

2022年米芝蓮指南近日新鮮出爐~香港有七間平民食店新上榜，而呢間主打台灣特色小吃嘅「倆口小吃」就係其中一間~ 今日咁啱路過呢間食店，見有時間，所以順便買個嚟試試~雖然係平日，但食店依然人氣爆棚，排哂長龍，真係好誇張！未夠5點鐘啲刈包就已經售罄，不過好好彩都畀我買到最後第4個，遲少少都食唔到~大家如果想食真係要早啲去啦~ 🧡吉列炸蠔刈包刈包由人手搓製，食落超鬆軟！炸蠔大大隻，新鮮香口！仲加入咗香蔥炒蛋同柚子醬沙律菜，味道層次豐富，沙律菜中和咗炸蠔嘅油膩感，食完都唔會有熱氣嘅感覺，正！ 🧡小山園抹茶Cream Cheese壓餅原本想試四式芝士壓餅，可惜已經賣哂，所以就揀咗呢款抹茶壓餅！但估唔到呢款壓餅超有驚喜，壓餅外皮煎得好香口，內裡係抹茶忌廉芝士流心餡，抹茶味濃郁，甜度都控制得好好！抹茶控絕對要試下，超推介！