麻辣燙

營業中

休息中

位於中環蘇豪區有一間多年得到米芝蓮推薦既四川餐廳(2014 - 2022)，裝潢係以紅色為主，帶點古色古香就正好呼應店名。以麻、辣、燙作為分類的menu，供應辣度唔同既四川小菜，有趣。餐前小菜都係以呢個類別區分既。紅油抄手 $107 先來一個挺有辣勁而滋味既前菜，蝦肉爽彈。燈影牛肉 $198據悉呢道菜式名稱係源自透光、齒頰留香既下酒菜牛肉片，鹹甜交融。酸菜魚 $398大概已經係二人分量既酸菜魚，湯底入口先喝得出酸勁，繼而漸漸喝得出辣勁，墊底有仲有幼身既薯粉，掛汁良物。原本仲想加點一款主食，飯麵類既，後來發覺餐點分量都唔少，原來兩個女生都已經吃得飽飽了，滿足。