阿鴻小吃 (已結業)

因工作關係要到機場走一趟，見時間尚早決定食返個早餐先😊 喺 Terminal 2行咗個圈，餐廳食肆都有唔少可以選擇，仲有一個food court添。最終我被阿鴻小吃所吸引，因為阿鴻小吃曾獲得米芝蓮殊榮，一試無妨！早餐有中式有西式，任君選擇我自小就對銀針粉情有獨鍾，難得見到阿鴻有銀針粉我又怎能錯過呢～香菇肉鬆銀針粉可以配蘿蔔糕或者炒麵～ 其實炒麵都好吸引，但只有我一個人嘅力量真係食唔哂呀，所以揀咗蘿蔔糕～銀針粉嘅湯底用鵝肉熬成，味道香濃惹味，銀針粉彈牙再配上冬菇、蝦米、冬菜、豬肉碎，更添層次，yummy😋 蘿蔔糕都好有水準，煎得香脆之餘，啖啖都食到蘿蔔及粒粒臘肉👍🏼總括而言，早餐$39配埋飲品，抵食美味！