影片
更多
2023-11-22
403 瀏覽
🍴 Joyful Dessert House 📍 旺角黑布街74號藝興大廈地下2及3號舖🗺️ 港鐵旺角站E2出口 步行約6分鐘📱+852 2856 1886💰 ～$90 per head 行完街見時間尚早，又有啲口痕想食吓甜嘢，咁就行去呢一間拎咗米芝蓮五六年嘅甜品舖試吓，平時夜晚食完飯，都見到門口排晒長龍，我哋去嘅時候係傍晚，所以就唔需要等位就有得入去啦。香蕉奶🍌香蕉奶係新鮮打出嚟，飲落好滑，有淡淡香蕉味。一啲都唔甜，證明係新鮮製造🤣🤣凍水蜜桃紅茶🍑水蜜桃紅茶用咗蜜糖調味，相對有少少甜，當中嘅蜜桃味都好出。芒果拿破崙🥭芒果拿破崙係餐廳招牌，呢隻拿破崙有別於平時食開嘅拿破崙，酥皮焗到好脆，一切即刻碎開晒。拿破崙入面嘅吉士醬都好食，唔會好膩，可能依家唔係芒果當做嘅季節，有啲芒果粒偏酸。紫薯窩夫🍠窩夫整得好脆，配紫薯蓉一流。食落口唔會太膩，再配埋開心果雪糕，個雪糕食得出有一粒粒嘅開心果碎。呢個係加分位😆😆😆好食指數 🌕🌕🌕🌖🌑推薦指數🌕🌕🌕🌕🌑抵食指數🌕🌕🌕🌕🌗
📍 旺角黑布街74號藝興大廈地下2及3號舖
🗺️ 港鐵旺角站E2出口 步行約6分鐘
📱+852 2856 1886
💰 ～$90 per head
行完街見時間尚早，又有啲口痕想食吓甜嘢，咁就行去呢一間拎咗米芝蓮五六年嘅甜品舖試吓，平時夜晚食完飯，都見到門口排晒長龍，我哋去嘅時候係傍晚，所以就唔需要等位就有得入去啦。
香蕉奶🍌
香蕉奶係新鮮打出嚟，飲落好滑，有淡淡香蕉味。一啲都唔甜，證明係新鮮製造🤣🤣
凍水蜜桃紅茶🍑
水蜜桃紅茶用咗蜜糖調味，相對有少少甜，當中嘅蜜桃味都好出。
芒果拿破崙🥭
芒果拿破崙係餐廳招牌，呢隻拿破崙有別於平時食開嘅拿破崙，酥皮焗到好脆，一切即刻碎開晒。拿破崙入面嘅吉士醬都好食，唔會好膩，可能依家唔係芒果當做嘅季節，有啲芒果粒偏酸。
紫薯窩夫🍠
窩夫整得好脆，配紫薯蓉一流。食落口唔會太膩，再配埋開心果雪糕，個雪糕食得出有一粒粒嘅開心果碎。呢個係加分位😆😆😆
好食指數 🌕🌕🌕🌖🌑
推薦指數🌕🌕🌕🌕🌑
抵食指數🌕🌕🌕🌕🌗
張貼
