請坐 (已搬遷) 新店位置

今期流行嘅排隊店，位於西營盤，剛剛得到米芝蓮車胎人美食推介嘅台式小店「請坐」一定係其中一間榜上有名店鋪。餐廳用餐時間限於45分鐘，小店內座位唔多，晚市下晝5點半開始，未夠鐘已經有人排緊隊等入座喇，真誇張！兩人入座，但分配左4人檯，其實有細檯，不過老闆娘話要比三個人坐，但我想講，果刻係冇三人入座架囉，呢點要扣分。基本上餐廳expect 你入去之前就要寫好食乜，始終45分鐘好快就過。古早味滷肉飯（$28）肥瘦肉比例恰到好處，飯汁亦唔會太多。九層塔蛋餅（$33）九層塔獨有嘅香味唔係個個都接受到，個人鍾意粟米蛋餅多啲！鹹酥雞（$40）炸粉唔會過厚，唔錯。紅燒牛肉冬粉（$68）帶微辣嘅紅燒牛肉湯底，冬粉QQ地亦十分索湯。皮蛋豆腐（$32）除左主角皮蛋豆腐之外，連醬油膏、肉鬆都好有台灣味！呢個小食亦超好送飯呢！古早味紅茶（$9跟餐價）柚蜜綠茶（$23）古早味紅茶（右下）味道偏甜，就好似台南口味咁。柚蜜綠茶（右上）就微酸，幾開胃。