金色不如帰 (又一城)

營業中

休息中

𠵱間嚟自東京嘅米芝蓮一星拉麵🍜喺香港開業以來，不時有人彈佢唔抵食，事實又點？的確嗰兩塊低溫，慢煮叉燒薄到透光又細塊，但味道咸香，肥瘦適中唔太膩。至於碗招牌貝汁鹽味拉麵，幼麵幾彈牙，軟硬適中，但僅此而已。我相信好多港式雲吞麵店都做到𠵱個水準。個湯咸咸地，少少松露香，但食落無咩鮮味，兩啖食完嘅麵，咁就$128有啲耐人尋味。另外個燒豚肉小碗飯($55)，豚肉好肥，成碗飯都好油，增肥必點。最驚喜反而係餃子🥟，漲卜卜好多餡，菜肉比例絕佳，菜粒脆肉味濃，煎嘅功力深厚，唔會成口油，我強烈建議創辦人轉行整餃子。