Samsen 泰麵

營業中

休息中

呢間位於灣仔藍屋對面嘅係米芝蓮推介餐廳，呢幾年一直人氣好高，無論平日lunch hour 定晚市或者週末都一定大排長龍，所以都要食下先！1. 泰式炒闊河粉闊河粉滑溜煙韌，有口感，而且炒得好均勻，唔會一舊舊痴住好似炒唔到，味道好惹味，食落唔會覺得油膩！2. 招牌泰式和牛濃湯河 湯底偏濃稠，係加咗豬血熬出嚟，味道濃郁，好似帶有少少藥材味咁，好香好好味，配料有炸豬皮，和牛肉片，牛丸，牛臄同通菜。和牛片嫩滑，重牛肉味；牛丸爽口；牛腩軟腍，而麵底係金邊粉，幼身，煙韌彈牙3. 泰式椰子泰式奶茶雪糕Waitress 話泰式奶茶味嘅雪糕唔係經常有，係限定，所以嗰日好好彩可以食到，真係好好味，諗唔到有咩地方要挑剔，作為米芝蓮必比登推介真係實至名歸。