一家

營業中

休息中

今日去咗筲箕灣東大街食米芝蓮餐廳 一入到餐廳已經比餐廳好有特色嘅裝修吸引 呼應返餐廳菜式嘅主題 餐廳嘅裝修主要都係以舊上海嘅裝修為主 蔥油白切雞非常之有特色 第一次食白切雞嘅蔥油係咁濃郁 雞肉都非常之嫩口 食得出師傅對火候嘅掌控非常有一手小籠包唔需要多講 皮薄餡靚 食落口超級多肉汁糖醋咕嚕肉外皮酥脆 內裏多汁 再配上酸甜嘅糖醋 令人食指大動臭豆腐店員特別推介餐廳招牌嘅臭豆腐 臭豆腐上菜嘅時候 外皮炸到非常酥脆 再配上豆瓣醬同埋甜酸醬 口感十分豐富點解仲喺飲品落咗少少心思 我哋見到餐牌上面飲品個名好有趣分別係善良姨婆同野蠻奶奶 見咁得意 緊係要叫嚟試一試啦 原來係善良姨婆係果茶 野蠻奶奶係紅豆沙冰 有創意得來味道亦相當唔錯高力芒果奶皇包最後甜品係炸奶皇包 配上糖霜一齊食 首先食到糖霜嘅清甜再食到炸麵包嘅鬆脆 最後再食到芒果餡 一次過滿足你三個願望