茶餐廳2.0 (已結業)

今日再次去呢間言質茶餐廳食西餐，質素真係拍得住其他西餐廳!All Day Breakfast有菇、煙肉、火腿、炒蛋、蒜蓉多士、白肉腸同埋煙三文魚，材料豐富而且份量亦都足，試哂咁多款一定夠飽! 個人幾欣賞腸仔，唔係普通超市既司華力腸，肉質相對結實有肉汁!蒜蓉焗田螺田螺大大隻同埋蒜蓉入哂味，一撩就得好易食，薯蓉都好淋同埋薯味突出，但如果再多少少會更好!紅酒燴牛尾配飯呢個真係好有驚喜，石鍋裝既紅酒燴牛尾熱辣辣同埋牛尾好多肉，牛味濃而且肉質嫩又冇筋，紅酒汁調味岩岩好，配飯食真係一流!四季春桃膠&凍頂烏龍桃膠桃膠都係呢到既特色之一，四季春會相對甜少少但茶味一樣突出。凍頂烏龍好清同埋茶既甘香味濃!呢到仲有懷舊扒餐，見到其他人叫大大塊扒勁吸引。同埋又有新既叻沙系列，已經諗好下次要食咩了!