媽咪雞蛋仔 (已結業)

店鋪：媽咪雞蛋仔 (觀塘)地址：觀塘通明街3號地下B號舖媽咪雞蛋仔開遍港九新界，仲連續五年獲得米芝連香港街頭小食推介👏，相信佢哋嘅嘢食係有一定水準，而佢哋多變嘅口味同款式，就吸引咗食客再次幫襯佢哋嘅新產品👍佢哋嘅雞蛋仔有超過20種口味，今次就試咗兩款未試過嘅口味，一鹹一甜，分別係伯爵茶朱古力雞蛋仔配朱古力雪糕($50)同鹽燒紫菜粟米雞蛋仔($32)伯爵茶同朱古力嘅口味互相平衡，茶味香濃🌿，加上兩球朱古力雪糕，同雞蛋仔形成左冷熱嘅對比😛，軟綿綿凍冰冰嘅雪糕，加上香脆熱辣辣嘅雞蛋仔，真係食多幾底都唔會厭😆鹽燒紫菜粟米雞蛋仔非常足料，打開其中一粒都見到滿滿嘅粟米🌽，中間夾雜住鹽燒紫菜，估唔到呢個口味嘅雞蛋仔又幾夾幾好食🤤飲品方面叫咁懷舊嘅港式奶茶豆花($24)同鮮榨檸檬水($20)，你又估唔估到，原來唔使去茶餐廳都可以飲到傳統港式飲品呢😎，港式奶茶茶味香濃，唔會太甜，而豆花滑到可以用幼飲管就吸晒落口🤪佢地仲有套餐優惠，每買一個雞蛋仔或者格仔餅配飲品即減$4😻，真係好吸引呀