影片
更多
2023-08-11
200 瀏覽
「玄鮨」曾經連續五年獲得米芝蓮推介嘅日本餐廳，由中環搬到嚟銅鑼灣，仍然保持住高質嘅用餐體驗。宜家有着數就梗係要快啲嚟試吓啦。今次呢個午市Omakase，$1200一位再加一。有六個部分前菜、刺身、和食、壽司、主食/湯品、生果。今日由Rex師傅主理我哋嘅食物。侍應會問清楚我哋嘅食物喜好，同埋介紹返每一道菜名，師傅主要處理同補充返煮法、食法同埋食物內完成容。-前菜三品🍱汁煮石垣貝8月至10月石垣才貝當造，師傅預先用汁煮再冷凍成為前菜、爽彈鮮甜。冷絹豆腐絹豆腐以醬油炸蒜調味，炸蒜嘅脆硬特顯得豆腐特別軟嫩。野菜沙律高糖蕃茄、靜崗粟米配沙律汁酸酸甜甜開一開胃。-刺身🦪1. 大分縣真蠔配青檸汁桃膠即開即處理嘅真蠔用桃膠墊喺底，蠔身飽滿，海水味濃但唔會好咸，之後食桃膠清一清嘅金屬味。2. 鮮赤貝配岩塩拳頭咁大隻嘅新鮮赤貝即開即切，最緊要嘅就係打佢一下，肉質即時收縮，非常之爽脆鮮甜。3. 玉子蝦肉同蛋做成蛋糕一樣嘅玉子，甜一甜準備下一輪嘅冲擊。4. 銀鱈魚配和梨果凍刺身級嘅銀鱈魚中間夾住日本梨做嘅果凍，銀鱈魚肉質嘅幼滑油香，用梨平衡返。5. 火炙赤鯥8月至12月又係赤即鯥嘅最佳賞味季節。宜家嘅赤鯥比喜
今次呢個午市Omakase，$1200一位再加一。有六個部分
前菜、刺身、和食、壽司、主食/湯品、生果。
今日由Rex師傅主理我哋嘅食物。侍應會問清楚我哋嘅食物喜好，同埋介紹返每一道菜名，師傅主要處理同補充返煮法、食法同埋食物內完成容。
-
前菜三品🍱
汁煮石垣貝
8月至10月石垣才貝當造，師傅預先用汁煮再冷凍成為前菜、爽彈鮮甜。
冷絹豆腐
絹豆腐以醬油炸蒜調味，炸蒜嘅脆硬特顯得豆腐特別軟嫩。
野菜沙律
高糖蕃茄、靜崗粟米配沙律汁酸酸甜甜開一開胃。
-
刺身🦪
1. 大分縣真蠔配青檸汁桃膠
即開即處理嘅真蠔用桃膠墊喺底，蠔身飽滿，海水味濃但唔會好咸，之後食桃膠清一清嘅金屬味。
2. 鮮赤貝配岩塩
拳頭咁大隻嘅新鮮赤貝即開即切，最緊要嘅就係打佢一下，肉質即時收縮，非常之爽脆鮮甜。
3. 玉子
蝦肉同蛋做成蛋糕一樣嘅玉子，甜一甜準備下一輪嘅冲擊。
4. 銀鱈魚配和梨果凍
刺身級嘅銀鱈魚中間夾住日本梨做嘅果凍，銀鱈魚肉質嘅幼滑油香，用梨平衡返。
5. 火炙赤鯥
8月至12月又係赤即鯥嘅最佳賞味季節。宜家嘅赤鯥比喜之次油份更重更香。連皮火炙之後充份提昇油香，只係搽少少醬油已經足夠。
6. 火炙青森大間野生本鮪配大蔥蘿蔔泥🐟
大間本鮪，被稱為是日本捕獲的金槍魚當中品質為最高級。每年8月至1月期間是大間金槍魚的捕獲時期，用釣魚方法代替網捕，可以保證金槍魚不會在網中受傷。而且金槍魚係水流急嘅水域生活，比其他活動量更大，肉質結實。師傅原塊腩位展示俾我哋睇，花紋極似牛肉。火炙之後坐係到都聞到油香，加埋大蔥、蘿蔔泥、少少蒜蓉同wasabi。入口重油份而且肉質結實。
-
和食🇯🇵
香煎鵝肝、北海道帶子拌海膽醬
刺身環節不停增加油份，主食油份更重。鵝肝香脆內軟，帶子爽彈夾雜少少黑椒嘅味道，沾埋海膽蛋黃醬增味。作為西餐主菜都夠資格。
-
壽司🍣
1. 野生吞拿魚蓉(淡露島洋蔥碎)
大間野生金槍魚再登場，加入無辛辣味嘅生淡露島洋蔥碎，鮮甜味再提昇一級。
2. 紋甲魷魚馬糞海膽
Creamy嘅馬糞海膽配上厚肉嘅紋甲魷魚。魷魚𠝹花再輕輕火炙。同海膽質地對比強烈。
3. 富山灣白蝦(紫蘇花)
有富山灣寶石之稱，口感清爽，甜味特出，配上三文魚籽同魚子醬雙重咸味襯托。
4. 牡丹蝦
取出蝦腦，加入調味再明火燒熟，香味撲鼻而來，再組合成為一個牡丹蝦精華壽司。
5. 海膽手卷
最後一道震撼彈，即做勁量海膽手卷，海膽比飯仲多，紫菜勁脆。
-
主食/湯品🍲
魚湯
本身係蒟蒻冷麵，師傅upgrade咗濃魚湯俾我哋。呢一碗濃、厚、醇兼備，我飲多三碗都冇問題。
-
生果🍈
夕張蜜瓜
夠曬甜，清一清個口，飲埋啖茶就準備走。
-
埋單每位$1320，用一張$1000餐卷就可以抵消晒。記得使用餐卷要七日前預訂。不過晚市都有食滿$3800減$1000優惠。
張貼
