祥興記上海生煎包 (已結業)

身為荃灣友，佢未攞米豬蓮之前已食過好幾次，而且我有理由相信個小食組評委內一定有荃灣街坊，因為荃灣總共有三間上榜，除咗呢間外仲有榮安同千色車仔麵，榮安都叫合理啲，千色真係長期拍烏蠅極唔起眼，咁都上榜真係非常有可疑。 講返祥興，區外朋友嚟荃灣必食，生煎包四隻$28，其實唔平，而且又唔夠一餐。佢有個$40餐兩隻生煎包+粉絲湯+飲品，夠一餐，但粉絲湯極一般，嚟幫襯都係為生煎包，得兩隻又到喉唔到肺。所以我個女仔朋友食完個餐再要追加四隻，成$68落樓，真係仲貴過去飲餐茶。攞咗米豬後，感覺多咗人慕名而來，包括鄰國遊客，唔知係咪因為突然響朵，啲服務反而比之前好咗，啲阿姐客氣咗。但生煎包無以前咁新鮮熱辣，不過仍然係我食過最好味嘅生煎包。啲位窄得無可再窄，感覺好唔舒服，食完即走。