季季紅風味酒家 (已結業)

舊年與同事夾份用優惠價購買了有米豬乳豬卷，有一年時間換取，平常單買要六百多元一隻，而家只須約四百五。所以平常睇報紙見推優惠時，買定就著數好多，可以大吃會、公司慶祝或許是拜山都用得上。由於張卷三月尾到期，星期三訂星期四放工取，酒樓職員星期四早上來電提醒去取🐷，去到取時仲細心提醒有單張教點拆吃只豬，返到屋企仲熱騰騰。有米豬內當然有米啦，d炒飯有些小蝦米仔炒得乾爽都幾香，但有d硬身。而乳豬皮非常脆，yummy yummy配紅酒一流。