添飲咖啡館 (已結業)

話說入去粉嶺探我個friend， 平時十年都唔會入去一次， 於是我個friend就介紹咗我去呢一間位於以前法院入面嘅cafe， 一般人都係響嗰度食下午茶或者早餐， 飲杯茶食件cake， 但今次我哋係去食晚餐， 佢都三令五申同我講話要book位。 果然入到去係爆滿， 我哋七點半食但係間餐廳九點已經閂門。首先， 黑松露薯條要小心， 薯條好粉， 炸得唔係好脆， 有少少似以前 嘅陸運會小食部薯條。 同埋我同我個friend唔會咗以為有黑松露醬， 原來只係啲薯條上面撒少少黑松露粉， 好似黑椒咁， 效果認真麻麻地， 純粹填飽個肚。之後我哋嗌咗個煎八爪魚， 超級驚喜， 雖然份量細細， 其實我哋兩個人每人淨係分到一條八爪魚， 但係如果你將一條八爪魚將佢切成唔同細細塊， 就可以用曬佢畀你嘅唔同醬汁， 一次過試幾種味道。 佢有個黑色嘅醬汁， 叫蒜蓉墨魚汁沙律， 另外佢本來已經有啲橙橙啡色嘅燒汁， 再唔鍾意你亦都可以用佢夠青檸，擠一啲青檸汁落去。另外我哋嗌咗隻烤雞， 又係水準以上皮脆肉嫩， 特別鍾意佢處理洋蔥嘅手法， 廚師搵嗰啲特別嘅醬汁染到成個洋蔥都係黃色， 但係咬落去就軟軟哋。