福滿庭酒家 (已搬遷) 新店位置

每次黎內心都掙扎，因為坦白座位不太好坐，有點迫，幾乎每次都要搭枱坐。今日食左煎腸粉，炒米粉，蝦餃，燒賣，灌湯餃。煎腸粉係由第一次食到依家都無退步過，係好滑好好食。蝦餃不錯，餃皮厚簿剛剛好，皮同蝦既比例亦合適。灌湯餃唔係好多酒樓有得食，不過真係好一般，得菇肉同一舊蝦。最最最驚喜既係燒賣，本人對燒賣好一般，但佢既燒賣好香，香到食完一粒想食第二粒。而且見酒樓既職員同年長既食客都有講有笑，同客人關係幾好！職員都算親切。