一碗小麵

營業中

休息中

餐廳寫住硬菜，什麼來的？撈麵就撈麵，乾什麼撈！仲要打錯字，如何幹撈呀！請用本土文字及語言，悍衛廣東話，悍衛繁體字，香港民加油！涼拌麻辣土豆絲，第一口冰凍爽脆酸辣，食得過！越食越悶越單調。蒜泥白肉，澀味霸道，充滿油味，無辣味無蒜味，難得一遇的劣食。返轉頭食剛才土豆絲，竟然無晒味道！化學反應真係神奇。田雞魚蛋麻辣米線，等了又等，遲遲還未出現！見其他比我遲坐低食客們都嘆完埋單轉身走人咯，明顯因為田雞要解凍。苦候半粒鐘終於降臨，點解係柱侯田雞？仲搭多舊牛腩？必定掉落煲炆牛腩解凍，柱侯田雞都係第一次食。立即一啜，骨肉分離，骨頭一啜碎晒！肉散得都非常之散，濃濃柱侯甜味。魚蛋嚥韌，不過只有咸味，十足片頭味道。米線質地可接受，有點腍有點碎。