花香 (已結業)

作為人氣打卡餐廳”鳥語”嘅姊妹店，同樣保留左粉霓虹燈，夠哂搶眼嘅雪糕意粉同富士山飯外，仲添加左巨型蝴蝶結打卡牆🎀，就算同樣嘅菜式口味上都有所改變~ 最令人講嘆嘅係飲品款式非常多: 咖啡，梳打，茶，smoothie 等，應該有近三十款！而且仲非常IGable添🥰-紫薯海鮮雪糕意粉($128) 應該好多人會問，紫薯配意粉會唔會好怪，又或者個雪糕係咪真係雪糕？甜定鹹？🤣 其實個球雪糕係類似紫薯味嘅忌廉，唔鹹唔甜，有淡淡嘅紫薯同cream cheese味，加埋本身意粉嘅忌廉醬一齊會更加creamy。意粉配料亦都唔少，有大大隻蝦，魷魚圈，雜菌，紫薯粒同露荀🍴 *粉紅富士山白咖喱黑豚肉飯($118) 賣相超吸睛🤩 山頂嘅用上番茄同鮮花作點綴，下面則白飯同用左紅菜頭上色嘅粉紅色飯，中間仲夾雜左啲小米添🏔️ 白咖喱嘅味道比較溫和，近乎冇辣味，椰香重少少~ *草莓鮮奶厚吐司($58) 推薦！厚而鬆軟嘅吐司🍞，加埋面層鋪滿嘅新鮮士多啤梨🍓同濃濃奶香，入口非常軟滑嘅忌廉一齊食，味道配搭一流！*髒髒抹茶拿鐵($58) 係多到滿瀉個種滿足感😙 上面嘅抹茶雪糕茶香十足，仲帶微微甘苦。下面嘅抹茶拿鐵茶味就相對較弱，撈