Error 19 (已結業)

最鍾意打卡嘅餐廳，之前見到其他人share見到呢間位於旺角上樓嘅error 19，有個粉紅花花牆韆鞦打卡位📸已經超想去了！當然除咗打卡影相之外，食物質素都好重要～呢間餐廳一次過滿足晒兩個願望✨除咗有多個打卡位之外，食物質素都相當之唔錯，尤其是係甜品🍮每款都好好食😋好值得支持呀～香煎頂級牛柳配鵝肝$368牛柳果然夠頂級，又唔會太肥，肉質軟嫩夠軟腍，肉汁亦豐富～仲配搭一大件鵝肝，鵝肝口感入口即溶，香味獨特！香煎鱸魚配龍蝦汁$238鱸魚總共有兩大件，皮煎得夠香脆，魚肉緊實唔會好容易散，配搭龍蝦汁好惹味！配菜仲有薯仔、西蘭花、同埋粟米仔。宇治抹茶十勝紅豆潛艇$68新出品嘅一款甜品，係最近流行嘅牛角窩夫🧇口感酥脆，配上抹茶澀澀哋嘅味道、甜甜嘅紅豆🫘真係絕配呀！特濃朱古力榛子拿破崙$88必食之選❤️拿破崙餅皮香脆，朱古力榛子味道濃郁，cream幼滑，食到停唔到口呀🍫冬瓜益力多梳打$50非常特別嘅一杯飲品❤️有台式風味嘅冬瓜茶，混合左益力多同埋梳打，味道豐富特別！熱情果烏龍$50烏龍茶味濃郁，熱情果味就唔算太突出，唔會太甜，口味比較清爽。