慢煮工業 (已結業)

喺太子做完嘢，記得朋友講過太子道西有間慢煮工業氣氛唔錯，一於試下。去到附近就畀間粉紅小屋吸引住。餐廳走工業風，水泥外牆，木枱椅，仲有幾張高枱櫈 。掛上霓虹燈招牌，玩味十足。但係又夾雜着文青風喎，小植物，小結他，大鐘，幾好feel·呢度係自己先到cashier付錢，然後佢哋會送餐畀你。叫咗安格斯牛扒，薯蓉set lunch，配上蜜糖多士。牛扒有橫坑紋喎，煎得好香，但裏面仲係粉紅色夠嫩，應該就係慢煮嘅功力。薯蓉好有幼滑，加上甜甜地嘅 蜜糖多士飲品揀咗香茅蜜桃烏龍茶，幾特別，少少香茅味，有半個蜜桃喺杯底，有得食，有得飲其實我由旺角警署附近行過嚟大概四分鐘左右，但係呢度遠離煩囂，坐喺度慢慢歎，好配合餐廳嘅主題。