影片
更多
2021-05-04
324 瀏覽
今次餐廳係位於營房大樓嘅三樓，餐廳叫Madam Fu。其實營房大樓就係以前的警察辦公室、報案室、健身室、飯堂、和休息室等等。喺警察辦公室度下午茶你都咪話唔過癮啊。餐廳有幾個主題房間, 其中一間叫pink room，亦都係我哋今次揀食下午茶嘅地方, 見到咁多粉紅色嘅擺设即刻少女心爆發啊。呢度每張梳化凳都好大, 每台都有獨立空間, 啱曬同閨蜜傾下心事啊。講返今次我哋食嘅英式下午茶，因為朋友book枱嘅時候就已經講明係慶祝生日, 服務員會喺tea set點上蠟燭同寫上happy birthday, 仲會一邊唱生日歌一邊呈上添. 講返價錢就550/2位，同出面酒店下午茶嘅價錢就差不多啦，咁啱今次佢地就同韓國嘅雪花秀品牌合作，雖然我就冇用開佢哋嘅護膚品嘅，不過我記得佢哋嘅潤燥精華都幾出名嘅，所以收到呢啲小禮物都幾開心。食物方面當然就有甜點同鹹點啦，可能係同韓國品牌合作啦，食物就加入咗啲韓國嘅元素，例如鹹點就有釜山海鮮蜜汁酥盒，韓國豆醬雞配蛋沙律三文治，和泡菜芝士薄脆。味道係我鍾意嗰種韓式嘅鹹甜風味，我同朋友都覺得幾好味。而中間嗰層就擺咗英式鬆餅，配埋忌廉同玫瑰果醬，個鬆餅就中規中距，冇乜特別。反
餐廳有幾個主題房間, 其中一間叫pink room，亦都係我哋今次揀食下午茶嘅地方, 見到咁多粉紅色嘅擺设即刻少女心爆發啊。呢度每張梳化凳都好大, 每台都有獨立空間, 啱曬同閨蜜傾下心事啊。
講返今次我哋食嘅英式下午茶，因為朋友book枱嘅時候就已經講明係慶祝生日, 服務員會喺tea set點上蠟燭同寫上happy birthday, 仲會一邊唱生日歌一邊呈上添.
講返價錢就550/2位，同出面酒店下午茶嘅價錢就差不多啦，咁啱今次佢地就同韓國嘅雪花秀品牌合作，雖然我就冇用開佢哋嘅護膚品嘅，不過我記得佢哋嘅潤燥精華都幾出名嘅，所以收到呢啲小禮物都幾開心。
食物方面當然就有甜點同鹹點啦，可能係同韓國品牌合作啦，食物就加入咗啲韓國嘅元素，例如鹹點就有釜山海鮮蜜汁酥盒，韓國豆醬雞配蛋沙律三文治，和泡菜芝士薄脆。味道係我鍾意嗰種韓式嘅鹹甜風味，我同朋友都覺得幾好味。
而中間嗰層就擺咗英式鬆餅，配埋忌廉同玫瑰果醬，個鬆餅就中規中距，冇乜特別。反而我覺得個玫瑰果醬幾好味喎，幾fresh又唔會太甜。
甜點方面就係韓式柚子泡芙，草莓忌廉慕斯餅，榛子朱古力馬卡龍，百利甜酒朱古力tiramisu杯, 同埋神石榴血橙慕斯杯。雖然我覺得啲甜品的外觀，就冇酒店嗰啲做得咁精美, 但係個味道都唔錯。我最欣賞就係嗰個tiramisu杯，中間會有D甜酒流心, 口感味道都幾特別。其次鍾意就係呢個神石榴血橙慕斯杯啦，口感好creamy, 味道酸酸甜甜噉幾開胃。整體嚟講甜品都十分出色，最緊要味道又唔算太甜, 食完都完全冇漏嘅感覺。
飲品方面都幾多選擇，平時食tea通常都檸茶啡茶，朱古力等等，呢度係會有埋中式茶葉畀你揀。例如鐵觀音，龍井，普洱等等。我自己就叫咗個春菊茶，食完甜嘢凍嘢最啱就係飲返杯熱茶，暖下個胃。
提提大家起碼要半個月前上網預約😉
張貼
