Lady Nara

營業中

休息中

星期一下午去試完妝之後，夜晚約男朋友食飯，去左海港城呢間成日好多人排隊既泰國過江龍餐廳。餐廳以粉紅色為主，充滿少女心，有唔少打卡位添。我地叫左鮮茄冬蔭忌廉湯、海鮮冬蔭意大利飯、香茅烤雞、泰式奶茶意大利芝士餅、紫薯香芋班戟配雲呢拿雪糕。鮮茄冬蔭忌廉湯冬蔭公湯加左忌廉一啲都唔違和，我覺得仲好飲過泰式個種冬蔭公湯，fusion得黎好好飲。海鮮冬蔭意大利飯十分creamy，海鮮有蝦同魷魚，飯入面仲有啲菇，我鍾意呢個飯。香茅烤雞雞肉嫩滑，雞皮炸得香脆，唔錯。泰式奶茶意大利芝士餅甜度頗高，泰式奶茶味幾出，入口幼滑，多層次口感。紫薯香芋班戟配雲呢拿雪糕賣相好靚，三塊班戟疊高，班戟整得好濕潤，整體甜度適中，連唔好甜品既男朋友都大讚好食。