Error19 夢幻烤魚場 (已結業)

之前有嚟過，原來而家變咗食烤魚！❤️❤️❤️舖頭有非常多打卡位！食烤魚都可以打卡真係新體驗，非常新穎！今次我哋叫咗金湯酸菜魚，開頭以為唔辣，嚟到有少少味辣，好入味！魚方面我哋揀咗江團魚！魚肉非常滑溜！如果唔識挑魚骨嘅朋友仔，我會推介大家揀清江魚！另外仲叫咗麻辣牛肚絲！惹味之餘非常香口！平時好怕喺出邊食到橡筋咁靭嘅牛肚絲，呢度完全冇問題！最後！識川菜又點可以漏咗炸饅頭呢，呢度炸饅頭$48好老實講我覺得都算抵食，因為平時差唔多價錢出邊只係比三粒，呢度有超多粒！性價比好高