Talk 2 DeCream (已結業)

位於尖沙咀厚福街既人氣雪糕店 - Talk 2 DeCream 門面以粉紅糖果色為主色，十分搶眼又夢幻。有多款口味既雪糕杯或筒裝選擇，全部口味都好吸引，好想試哂咁多款味道呀！！三重奏朱古力杯 $53朱古力軟雪糕味道好濃郁，有淡淡既黑朱古力苦味，唔會太甜。上面淋左75%朱古力榛子醬同粒粒脆米，入口脆卜卜，令雪糕味道更香更濃郁。加埋面層既Oreo餅同底層既Oreo餅碎，三重滋味一齊食口感更豐富。三重奏朱古力雪糕整體十分濃郁，層次豐富，食哂成杯都唔會感覺好膩，鐘意食朱古力既朋友一定唔可以錯過！