川婆婆 (已結業)

身為港女，未入門口已經被粉紅色嘅裝修吸引住，鍾意影相嘅真係可以係度瘋狂打卡。連餐枱都好多粉紅色😍酥炸菇好香口，炸皮好薄，入面嘅菇仲係juicy嘅！少少辣，怕辣嘅話可以點少啲調味粉就得。黎到呢度緊係要食主打嘅酸菜魚啦！見到幾片檸檬係面都知個湯底幾清新啦！魚肉都幾大片，果然無失望！另一主打就係小龍蝦喇！第一次食，估唔到細細隻，都幾易拆殻，餐廳仲有埋手套供應，幾方便！見佢隻色幾紅下，以為好辣，估唔到又唔算好辣喎，係幾香添！食辣嘢當然要飲凍嘢啦，凍飲選擇都幾多，西瓜汁同芒果沙冰都無伏！