冬蔭NOODLE (已結業)

咁岩尖沙咀放工想食泰國野， 上網見到呢間粉紅色裝修嘅泰國菜館， 地點又就腳就試下。入到去原來係粉紅色梳化配霓虹光管招牌，同一般泰國菜館有啲唔同!試左3個菜，最好食竟然係泰式炒椰菜苗椰菜苗爽口入味， 炒得夠香口 ，分量都足夠!泰式生蝦$88 有6隻， 都算新鮮彈牙，但冇乜蝦味。最失望係個冬陰功海鮮泰式粉絲，冬陰功味好淡，粉絲硬身，唯獨所有海鮮都有兩件...大熱天時最好飲番杯鹹檸七，25蚊大大杯!總括嚟講呢間泰國菜館係比較就腳，價錢唔貴，座位比較寬敞。