影片
更多
2023-03-31
235 瀏覽
多國fusion菜～試下新意思！😆呢間係上環嘅多國菜cafe，環境精緻優美，粉紅色裝修，仲有啲有趣嘅燈牌，非常適合港女(fatpig)打卡xdd！佢有多款菜式可以揀，包括咖喱、意粉、炒飯等等！haha滿足曬想試唔同嘢嘅大家~💓-🍝韓式泡菜安格斯牛肉炒意粉 $118呢個組合我覺得都真係幾新奇嘅🤣好少會安格斯牛再配韓式泡菜，但佢又真係幾好喎，因為佢係炒意粉就令到個泡菜同個牛夾咗好多，就唔似我哋平時食開嘅普通西餐意粉😂我覺得都幾特別嘅，佢仲有配啲三色椒🫑顏色上面都好睇😍-🍛荷香蒜蓉海鮮蒸珍珠米 $138你真係會好難諗到一間咁優雅嘅Cafe可以食到啲咁嘅菜(？🤣咁啱朋友想食海鮮，又想食飯！於是就諗住試吓呢個好似同環境少少格格不入嘅飯😂佢入面係有帶子、蝦球、珊瑚蚌😋上到嚟四四方方一個盒仔咁樣都幾得意🤓味道上面我覺得又幾好食喎！一啲都唔伏！啲海鮮都幾新鮮，而且撈埋啲醬油同蒜蓉，好香好好食😋-Overall我覺得係可以再encore！因為佢仲有其他都好出名嘅嘢食但我哋嗰日都冇食到，好似海南雞飯嗰啲😙同埋佢夜晚唔算好多人環境都好大，坐得好闊落舒服🥰啱晒同朋友仔聚舊傾計💬📍 Home A Day (上環
-
🍝韓式泡菜安格斯牛肉炒意粉 $118
呢個組合我覺得都真係幾新奇嘅🤣好少會安格斯牛再配韓式泡菜，但佢又真係幾好喎，因為佢係炒意粉就令到個泡菜同個牛夾咗好多，就唔似我哋平時食開嘅普通西餐意粉😂我覺得都幾特別嘅，佢仲有配啲三色椒🫑顏色上面都好睇😍
-
🍛荷香蒜蓉海鮮蒸珍珠米 $138
你真係會好難諗到一間咁優雅嘅Cafe可以食到啲咁嘅菜(？🤣咁啱朋友想食海鮮，又想食飯！於是就諗住試吓呢個好似同環境少少格格不入嘅飯😂佢入面係有帶子、蝦球、珊瑚蚌😋上到嚟四四方方一個盒仔咁樣都幾得意🤓味道上面我覺得又幾好食喎！一啲都唔伏！啲海鮮都幾新鮮，而且撈埋啲醬油同蒜蓉，好香好好食😋
-
Overall我覺得係可以再encore！因為佢仲有其他都好出名嘅嘢食但我哋嗰日都冇食到，好似海南雞飯嗰啲😙同埋佢夜晚唔算好多人環境都好大，坐得好闊落舒服🥰啱晒同朋友仔聚舊傾計💬
📍 Home A Day (上環)
上環德輔道中188號金龍中心地下1,2,6號舖
好味指數😋：8/10
服務指數💆🏻♂️：8/10
Cp值💓：8/10
人均消費💰：$150
Encore： ✅
張貼
