Cafe Library by Espuma (已結業)

放假下午約友人聚聚，嚟到沙田想搵間Cafe打下卡食下野，搵到呢間睇落唔錯就前來試試，食物方面，主食揀咗流心玉子雞卷冷天使麵，雞肉包住玉子，雞卷味道幾特別，但麵底比較乾身同份量較為少，另外叫咗個吉列夾心豬柳鬆餅漢堡，鬆餅口感較為乾身，豬柳入邊就有芝士流心嘅效果，鬆餅同豬柳嘅配搭都算新穎，飲品方面叫咗草莓茉莉奶蓋茶，份量都幾大杯，飲落奶蓋都算濃郁香滑，但士多啤梨較為淡味，甜品方面，浪漫滿屋系個mousse ，外型系可以影吓相打下卡，但食落好一般，總括而言嘢食好一般，試一次就夠🙃🙂