口麻天辣

營業中

休息中

南昌好耐冇過嚟呢邊行，夜晚見到呢間酸菜魚，用勁少女嘅粉紅裝修，就吸引咗入去價錢都非常之抵，有一個小食，一個甜品，一個主菜，一碗飯。$138 酸菜魚套餐酸菜魚好有誠意，仲用一個細嘅火一路熱煮，唔會凍。超鍾意食呢個夠酸嘅酸菜魚，魚片好滑溜，冇骨，勁大碟，兩個人share都好夠食。$118 口水雞套餐呢個餐差唔多有成半隻口水雞，雞肉非常之滑溜，雞皮都好滑。而且有小小麻辣。越食越過癮，好容易就食晒成碗飯。$38小酥肉呢個價錢，份量都好大碟，又係脆卜卜，我仲配口水雞個汁，超正！小食配咗一個酸辣土豆絲，鳳爪。土豆絲又係好夠味，鳳爪都整得好好食。另外配咗兩份炸鮮奶。炸到脆卜卜，入邊嘅鮮奶仲係熱辣辣好滑。另外怕辣，就叫咗杯手打檸檬茶，見到店員真係用手打，而且都好好飲，比起外面嘅都唔輸蝕。