天 · 悠蔬食 (已結業)

新年期間食得太多煎糕，今日想食返D清淡既野，經過荃新天地2期地下見到呢間素食店裝修精緻，餐廳裝修帶粉紅色和熱氣球裝飾，岩哂少女心既我，影相打卡一流，晚餐有好多選擇，有主食、飲品和甜品，另外加$20可以有埋餐湯和小食，非常豐富。菠菜桃膠忌廉濃湯配四喜烤夫菠菜味濃，忌廉湯香滑，仲有我最鍾意既桃膠。白松露美國露荀南瓜紫薯焗千層闊麵一上檯已經聞到好香既白松露味，芝士亦好香，千層闊麵軟硬適中，有口感又不會太硬，入面有好多配料，有露荀、南瓜、紫薯等。柚子蘆薈乳酪蛋糕柚子味清新，乳酪蛋糕口感厚實。焦糖海鹽榛子千層班戟  千層班戟做得非常薄，焦糖味好香，榛子味偏甜，但加埋海鹽略帶少少既咸味中和返就剛剛好。荔枝檸檬蘆薈冰茶荔枝味濃但唔會太甜。