XOXO Café Lab (已結業)

上星期六下晝放咗工來左淘大呢一間嘅Cafe食午餐。係外面已經見到佢粉藍色嘅主題顏色，呢隻隻顏色比較特別，不過望落都幾舒服，俾人一種好放鬆嘅感覺。叫左一杯蜂蜜綠茶＄32，叫咗少甜，因為本身唔鍾意飲品太甜，個甜都覺得啱啱好，裏面仲有啲爆豬好得意。主菜叫咗個芒果海鮮pizza ＄78,初頭望落見到啲芒果好似謝晒咁,以為會唔好食,但係佢哋焗嘅火候較到啱啱好,啲芒果唔會完全熟晒,留返少少新鮮水果嘅味道，個芒果味同啲海鮮出奇地甘夾，成個食晒。甜品叫咗一個巧克力香蕉棉花多士布甸＄58。香蕉好新鮮，個多士比較實淨，雪糕冇溶都唔會令到個多士林咗，將多士棉花糖雪糕同埋香蕉一齊放落口感覺超正，個棉花糖唔係用普通蔗糖整，係用蜂蜜做嘅，呢個好有驚喜，呢個甜品確實唔錯。