貴川風味館 (已搬遷) 新店位置

天時暑熱，胃口欠奉，經過貴川就被水牌新出嘅夏日涼拌系列所吸引。入到去坐低至知涼拌可加嘅配料有限，最後都係轉返平時食開嘅熱拌。+$2轉薯粉，口感煙韌，感覺比米線更有飽足感；同基本肉醬、蔥、酸菜、芽菜拌勻，但唔太足料，芽菜得兩三條辣醬幾夠味，嗜辣成性嘅我難得食到啲辣味，下次可以試試勁辣！豬軟骨（+$14）：得兩細舊，芝士丸大細，勝在炆得稔軟，軟骨位已融化成膠狀。雞絲（$10）：正常份量，唔鞋唔滑，同譚仔差唔多。從賣相可見，色澤比坊間一般皮蛋更晶凝通透，唔知係咪品種有別，食起嚟有陣獨特嘅香味；蛋黃成溏心狀，配以帶椒香嘅辣油，食落更香口不膩。店員落單同接收能力比較慢，要重覆四五次先成功落到單，餐廳配料選擇唔多，無魚肉春卷，下次會試第間。