乜嘜雞蛋仔

營業中

休息中

差唔多兩點口痕想食啲嘢，雖然小店位置略偏，但都有兩三個客等緊，叫咗朱古力格仔餅 ($27)同牛肉燒賣(7粒$10)各一份，而且姐姐好友善～牛肉燒賣：只係普通魚肉燒賣加啲牛肉，魚肉燒賣味重好多，無咩特別（最滿意係叫少豉油真係有少到😂😂）格仔餅：即叫即整，但價錢略貴🙈餅體略甜，有蛋香但無咩朱古力味，醬料俾得超級足，而且貼心地有另外攞紙包住件餅（即係紙袋入面再有張紙包住），以呢個醬汁量而言真係好必要。驚喜位在於用粗粒花生醬，食到原粒花生+花生醬香，加埋相對流質嘅朱古力醬係個唔錯嘅配搭，有個小問題係粗粒花生醬食落好黏口，但個人覺得瑕不掩瑜，係一份好食嘅格仔餅。