雞記潮州麵食

營業中

休息中

由於尖沙咀實在太多餐廳，如果唔係朋友介紹，我根本唔會留意到呢間粉麵店😮。入座後見到店內張貼既報章，先知原來上過報紙。嘴刁既友人話呢度既炸魚片頭同紫菜墨魚丸配撈麵好好味，所以今次試左呢兩款先😏。其實餐廳既欖菜肉卷同生煎墨魚餅都好吸引我，只可惜剛剛已經食過正餐，唯有留待下次。炸魚片頭撈米粉 $39由於其中一位朋友唔食得鹼水，所以轉左米粉。米粉煮到偏硬身，係我中意既口感，碗底有好多黑豉油，少少甜，加上米粉吸汁力比粗麵強，所以個人覺得比粗麵好味。第一次食咁新鮮既炸魚片頭，外皮炸到焦脆、黃金，內裡軟彈，口感非常好。炸紫菜墨魚丸撈粗 $39呢個撈粗油光油光，相當誘人!! 不得不讚呢個粗麵十分爽口，係我食過最爽口既一間😮，不過鹼水味好重，唔中意呢陣味既人就唔建議食佢。炸紫菜墨魚丸好特別，新鮮炸出黎，紫菜好香好濃，丸中仲有唔少墨魚粒，彈牙又有口感，推介!今次係我第一次食潮州粉麵，所以我唔知佢正唔正宗，但如果同一般既粉麵店相比，佢既麵質煮得唔錯，墨魚丸亦幾有特色，如果路經亦不妨一試。