放牛牛 (已結業)

話說老友路過話請我食雪糕，於是我就揀左個地牛牛嚟食，其實佢個名都係幾搞笑嘅~ 先講下呢個地牛牛嘅材料，有蕃薯、椰子肉同埋牛油鬆餅，雪糕係用粟米做，呢個味道係比較特別。講返個味道，其實粟米味唔係算好濃，不過仲好， 因為之前試過味道太濃，搞到條舌好鞋口~ 所以粟米味同牛奶都幾MATCH。個烤蕃薯都幾好食，又淋又香口，不過比較特別係佢用椰子肉，因為真係有啲難處理，又要批皮又剩，不過味道清甜，實在唔錯。比較鍾意嘅係牛油鬆餅，因為真係好鬆化，而且牛油香都唔錯，送入口都唔漏~